លោកឧត្តមសេនីយ៍ទោ សុខ នីត្យា ព្រមទាំងថ្នាក់ដឹកនាំនាយកដ្ឋាន ចូលសម្តែងការគួរសម និងគោរពជូនពរ ឯកឧត្តមនាយឧត្តមសេនីយ៍ ស ថេត នាឱកាសបុណ្យចូលឆ្នាំថ្មីប្រពៃណីជាតិខ្មែរ

ភ្នំពេញ៖ នាព្រឹកថ្ងៃទី០៣ ខែមេសា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា ព្រមទាំងថ្នាក់ដឹកនាំនាយកដ្ឋាន បានចូលសម្តែងការគួរសម និងគោរពជូនពរ នាឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៨។ នាឱកាសនេះផងដែរ លោកឧត្តមសេនីយ៍ទោ ប្រធាននាយកដ្ឋាន ព្រមទាំងថ្នាក់ដឹកនាំនាយកដ្ឋាន បានគោរពជូនពរ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងលោកជំទាវ ព្រមទាំងក្រុមគ្រួសារ សូមទទួលបាននូវសុខភាពល្អបរិបូណ៌ កាយពលំមាំមួន ប្រាជ្ញាវាងវៃ ជន្មាយុយឺនយូរ ដើម្បីបន្តដឹកនាំ រក្សាការពារ សន្តិសុខសណ្ដាប់ធ្នាប់សាធារណៈ និងស្ថេរភាពសង្គម ជូនប្រជាពលរដ្ឋ ក្នុងការអភិវឌ្ឍន៍ប្រទេសជាតិឱ្យកាន់តែមានភាពរីកចម្រើនបន្ថែមទៀត។