ប៉ោយប៉ែត ៖ នៅថ្ងៃទី ០២ ខែមេសា ឆ្នាំ២០២៥ អនុវត្តន៍តាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ តាមរយៈលោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុង បានអោយកម្លាំងសណ្តាប់ធ្នាប់ក្រុង ដឹកនាំដោយលោកវរសេនីយ៍ទោ បោន ភក្ត្រា ឋានៈអធិការរង ,លោកវរសេនីយ៍ត្រី ស៊ិនដូនី ឋានៈនាយផ្នែក ដឹកនាំកំលាំងចុះសហការជាមួយកំលាំងប៉ុស្តិ៍នគរបាលរដ្ឋបាលសង្កាត់អូរជ្រៅនិងកម្លាំងប៉ុស្តិ៍នគរបាលរដ្ឋបាលសង្កាត់ប៉ោយប៉ែត ចុះស្រាវជ្រាវ ករណី ក្មេងជិះម៉ូតូកង់បីមួយគ្រឿងម៉ាកហុងដាវ៉េវ ពណ៍ក្រហម ពុំមានផ្លាកលេខ បើកបរតាមបណ្តោយផ្លូវបេតុង(ផ្លូវសូអា)ហើយបង្ហោះម៉ូតូកង់បី ត្រូវ ផេកមួយ បង្ហោះនៅក្នុងហ្វេសប៊ុក ។
នៅរសៀលថ្ងៃខែឆ្នាំដដែលកម្លាំងជំនាញបានចុះស្រាវជ្រាវនាំអ្នកបើកបរម៉ូតូខាងលើមានឈ្មោះ សុខ ហេង ភេទប្រុស អាយុ១៦ឆ្នាំ មុខរបរ កម្មករដឹកជញ្ជូនឥវ៉ាន់ រស់នៅក្នុងភូមិមិត្តភាព សង្កាត់ប៉ោយប៉ែត ក្រុងបោយប៉ែត ខេត្តបន្ទាយមានជ័យ មកអធិការដ្ឋាននគរបាលក្រុងប៉ោយប៉ែត ដើម្បីសាកសួរនិងបានកោះហៅអាណាព្យាបាលមកធានាអោយបញ្ឈប់សកម្មភាពបង្ហោះម៉ូតូតាមផ្លូវសាធារណៈ បន្តទៀត។
