មនុស្ស៦នាក់របួសធ្ងន់ស្រាល ករណីគ្រោះថ្នាក់ចរាចរណ៍ រវាងរថយន្តនិងម៉ូតូ សណ្តោងរុឺម៉ក

បាត់ដំបង៖គ្រោះថ្នាក់ចរាចរណ៍រវាងរថយន្តនិងម៉ូតូសណ្តោងរឺុម៉កបណ្តាលឲ្យមនុស្សប្រុស ស្រី ចំនួន ៦នាក់រង របួសធ្ងន់ ស្រាល បង្កអោយមានការភ្ញាក់ផ្អើល ដល់ប្រជាពលរដ្ឋនិងសមត្ថកិច្ចមូលដ្ឋានចុះជួយអន្តរាគមន៍ភ្លាមៗនៅទីតាំងកើតហេតុ។

ហេតុការណ៍នេះបានកើតឡើងកាលពីវេលាម៉ោង២២និង០០នាទីយប់ ថ្ងៃទី៣១ ខែមិនា ឆ្នាំ២០២៥ នៅតាមបណ្តោយផ្លូវជាតិលេខ 57A ចំណុចភូមិគោកពន្លៃ សង្កាត់អូរម៉ាល់ ក្រុងបាត់ដំបង ខេត្តបាត់ដំបង។

ប្រភពព័ត៌មានបានអោយដឹងថា៖មុនពេលកើតហេតុប្រជាពលរដ្ឋបានឃើញម៉ូតូសណ្តោងរឺុម៉ក១គ្រឿង មានមនុស្សជិះ ៦នាក់ បើកបរក្នុងទិសដៅពីលិចទៅកើត មួយសន្ទុះក្រោយមក មានរថយន្ត១គ្រឿងម៉ាក PRIUS ពណ៌ស ពាក់ស្លាកលេខ ភ្នំពេញ 2AR-6811  បើកបរក្នុងទិសដៅស្របគ្នា បើកបុកពីក្រោយពេញទំហឹង បុើងម៉ូតូសណ្តោងរ៉ុម៉ក ចូលក្នុងព្រៃ ចំណែកមនុស្ស សន្លប់ ដេកដួលពេញផ្លូវ រីឯតៃកុងរថយន្តបន្ថែមល្បឿន បើករត់គេចពីទីតាំងកើតហេតុ យករថយន្តទៅចតចោលក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង។

ក្រោយពេលកើតហេតុ សមត្ថកិច្ចបានបញ្ជូនជនរងគ្រោះទាំង៦នាក់នោះទៅសង្គ្រោះបន្ទាន់នៅមន្ទីរពេទ្យស្នងការនគរបាល ខេត្តបាត់ដំបង។

បច្ចុប្បន្នកម្លាំងនគរបាលចរាចរណ៍ ស្ទូចរថយន្តបង្កហេតុ យកទៅរក្សាទុកបណ្តោះអាសន្ន នៅការិយាល័យចរាចរណ៍ផ្លូវគោក ដើម្បីស្រាវជ្រាវរកតៃកុងបើកបរ អោយចូលខ្លួនទៅដោះស្រាយតាមផ្លូវច្បាប់៕ ដោយ ៖  សុខ កុសល

អត្ថបទដែលជាប់ទាក់ទង
Open

Close