ខេត្តកែវ៖ ក្រោយមានការបង្ហោះវីដេអូ រិះគន់លើតម្លៃងូតទឹកសាបម្តង៣ពាន់រៀល ពីសំណាក់អ្នកទេសចរដែលបានមកលេងកម្សាន្តនៅខេត្តកែប កាលពេលថ្មីៗនេះ នៅថ្ងៃទី០១ ខែមេសា ឆ្នាំ២០២៥ លោក សាង ប៊ុនធឿន អភិបាលរងក្រុងកែប និងលោក ប៉ុក ទាំង ប្រធានស្តីទីមន្ទីរទេសចរណ៍ខេត្តកែប បានចុះត្រួតពិនិត្យបន្ទប់ទឹកឯកជន ខាងលើ ស្ថិតនៅទល់មុខឆ្នេរលេងទឹកស្រីស និងបានណែនាំអោយម្ចាស់ទីតាំងពិនិត្យលើតម្លៃសមរម្យណាមួយសម្រាប់អ្នកទេសចរ និងត្រូវបិទស្លាកតម្លៃ នៅមុខច្រកចូលអោយបានច្បាស់លាស់ជៀសវាងមានការយល់ច្រឡំណាមួយពីអ្នកទេសចរទូទៅ។
តាមការបញ្ជាក់ពីសំណាក់ម្ចាស់ជួលបន្ទប់ទឹកខាងលើ បញ្ជាក់ថា មានការលើកលែងមិនយកប្រាក់ផងដែរ ចំពោះព្រះសង្ឃ ជនចាស់ជរា កុមារតូចៗ និងជនពិការ ៕
ប្រភព៖ មន្ទីរព័ត៌មានខេត្តកែប
