ខេត្តបាត់ដំបង៖ ជនសង្ស័យម្នាក់ ត្រូវបានឃាត់ខ្លួនកាលពីវេលាម៉ោង ២២និង៣០នាទី ថ្ងៃទី២៥ ខែមីនា ឆ្នាំ២០២៥ នៅចំណុចភូមិបាក់ព្រា ឃុំព្រៃចាស់ ស្រុកឯកភ្នំ ខេត្តបាត់ដំបង។
ប្រភពបានអោយដឹងថា ជនសង្ស័យ ឈ្មោះ វិត ណាវីន ភេទប្រុស អាយុ២៦ឆ្នាំ មុខរបរ នេសាទត្រី រស់នៅភូមិអន្សងសក ឃុំព្រែកនរិន្ទ ស្រុកឯកភ្នំ ខេត្តបាត់ដំបង។
វត្ថុតាងដែលសមត្ថកិច្ចដកហូតបានរួមមានៈអាំងវិចទ័រឆក់ត្រី ១គ្រឿង (ដុំឆក់ត្រជាក់) ,អាគុយ៤០អំពែ ២គ្រឿង , កន្រ្តងដួសត្រីចំនួន១ ,ទូកស្មាច់ប្រវែង៥,៤មែត្រ បំពាក់ម៉ាសុីន១៨ សេះ ១គ្រឿង និងសម្ភារៈសម្រាប់ប្រើប្រាស់សារធាតុញៀនមួយចំនួនផងដែរ។
បច្ចុប្បន្ន ជនសង្ស័យនិងវត្ថុតាងត្រូវបានកម្លាំងអាវុធហត្ថ ស្រុកឯកភ្នំ បញ្ចូនទៅកាន់ការិយាល័យជំនាញ នៃកងរាជអាវុធហត្ថខេត្តបាត់ដំបងដើម្បីចាត់ការបន្តទៅតាមនីតិវិធី៕
ដោយ ៖ សុខ កុសល
