កក្រើកឋានទាំង៣! ក្រោយឈ្នះ សៃយុគ ភុមផាន់មួង គ្រងខ្សែក្រវាត់ នាយសង្ហារ គុនខ្មែរ ត្រូវស្វាគមន៍ កីឡាករ បរទេស រីវ៉ូ. ស. ស៊ុម៉ាយ លើសង្វៀនគ្រុឌ នៅទីរួមខេត្តតាកែវ!
កីឡា ៖ ក្រោយយកឈ្នះ កីឡាករ សៃយុគ ភុមផាន់មួង គ្រងខ្សែក្រវាត់ ក្នុងប្រភេទទម្ងន់ ៧៨គីឡូក្រាម នៅក្នុងស្រុកបាទី កាលពីថ្មីៗនេះ នាយសង្ហារ គុនខ្មែរ ហាក់ទាញចំណាប់អារម្មណ៍ និង ប្រជាប្រិយ៍ភាព ពីអ្នកស្រឡាញ់គុនខ្មែរ វិញខ្លះហើយ។
រឿងគួរអោយកោតសរសើរនោះ គឺ ឡៅ ចន្ទ្រា អាចផ្គាប់ចិត្ត Fan Fan របស់ខ្លួននបាន ដោយប្រឹងប្រែង ហ្វឹកហាត់ សម្រក គីឡូឡើងសង្វៀន ត្រឹមគីឡូ ៧៥ វិញ!
កាន់តែកក្រើក សប្ដាហ៍នេះ នាយសង្ហារ គុនខ្មែរ ឡៅ ចន្ទ្រា នឹង ជួបប្រកួតជាមួយ កីឡាករ បរទេស រីវ៉ូ. ស. ស៊ុម៉ាយ លើសង្វៀនគ្រុឌគុនខ្មែរ កុំភ្លេចចូលរួមទស្សនា គាំទ្រដោយសេរី នៅថ្ងៃទី២២-២៣ ខែមីនា ឆ្នាំ២០២៥ ទីតាំង ទល់មុខមន្ទីរអប់រំយុវជន និងកីឡា ក្រុងដូនកែវ ខេត្តតាកែវ ក្នុងនោះ កីឡាករ កីឡារិនី ច្រើនរូបទៀត មកអង្រួនសង្វៀន គ្រុឌ គុនខ្មែរ ផងដែរ។
គួររំលឹកផងដែរថា ក្រោយវិលឡើង សង្វៀនវិញ ឡៅ ចន្ទ្រា ត្រូវទទួលភារកិច្ច ធ្ងន់ គឺត្រូវជួប ដៃគូចាស់របស់ ធឿន ធារ៉ា និង ធន់ រឹទ្ធី គឺសៃយុគ ភុមផាន់មួង នៅក្នុងស្រុកបាទី ខេត្តតាកែវ កាលពីយប់ថ្ងៃអាទិត្យទី២៣ កុម្ភៈ ២០២៥។
ក្នុងជំនួបនោះ ឡៅ ចន្ទ្រា ប្រមូលបានប្រាក់ ច្រើនគួរសម ទាំងប្រាក់រង្វាន់ ប្រាក់លើកទឹកចិត្ត តម្លៃខ្លួន និងការឧបត្ថម្ភនានាពីសប្បុរសជន ដែលស្រលាញ់គាំទ្រវិស័យគុនខ្មែរ ។
ប្រភពមួយ បានឱ្យដឹងថា ក្នុងជំនួបជាមួយសៃយុគ តម្លៃខ្លួនរបស់ឡៅ ចន្ទ្រា គឺប្រមាណជាង ៥០០០ ដុល្លារអាមេរិក ហើយក្រោយពេលទទួលជ័យជម្នះ លើសៃយុគ គេក៏ទទួលបានប្រាក់លើកទឹកចិត្ត៨លានរៀល ឬប្រមាណ២ពាន់ដុល្លារ និងប្រាក់រង្វាន់ ៨លានរៀល ឬប្រមាណ២ពាន់ដុល្លារទៀត ដូច្នេះ បើសរុបតែតម្លៃខ្លួន និងប្រាក់រង្វាន់ បូកជាមួយប្រាក់លើកទឹកចិត្ត ឡៅចន្ទ្រារកបានជិត ១ម៉ឺនដុល្លារ អាមេរិកទៅហើយ ។
គួរបញ្ជាក់ថា ស្របពេលប្រជាពលរដ្ឋកម្ពុជា បាននឹងកំពុងតែគាំទ្រលើវិស័យ គុនខ្មែរ ស្ទើរពេញប្រទេស ក្រុមហ៊ុន វឌ្ឍនៈ បានបន្ត គិតគូ យកចិត្តទុកដាក់ លើការឧបត្ថម្ភ ដល់ការរៀបចំប្រកួតនានា ធ្វើឱ្យតម្លៃ នៃ កីឡាករគុនខ្មែរ ខ្ពស់ ល្អប្រសើរ ផ្តល់ឱកាស អោយមាន ការប្រកួតញឹកញាប់ ធ្វើឱ្យកីឡាករ កីឡាការិនី អាចរកប្រាក់ចំណូលច្រើនជាងមុន ខ្លះសន្សំលុយបានទិញផ្ទះ ទិញរថយន្ត កសាងជីវភាពបានធូរធា ប្រសើរជាងមុន។
អ្នកឧកញ៉ា សំអាង វឌ្ឍនៈ អគ្គនាយកក្រុម ហ៊ុន «វឌ្ឍនៈប្រ៊ូវើរី» បានលើកឡើងថា ក្រុមហ៊ុន វឌ្ឍនៈ ប្រ៊ូវើរី មានមោទនភាព ដែលបានចូលរួមឧបត្ថម្ភ ក្នុងវិស័យកីឡា ក្រោមពាក្យស្លោក “កីឡា៖ រស់នៅក្នុងសន្តិភាព”។
ក្រោមឆន្ទៈ ស្មារតីខ្មែរតែ១ ក្រុមហ៊ុន វឌ្ឍនៈ តែងតែចូលរួមឧបត្ថម្ភគាំទ្រគ្រប់វិស័យ ចូលរួមលើកកម្ពស់ គ្រប់សកម្មភាព មនុស្សធម៌ ក៏ដូចជាចូលរួមប្រារព្ធរៀបចំកម្មវិធីតូចធំជាច្រើនជាមួយប្រជាជនកម្ពុជាគ្រប់ទិសទី ដើម្បីចែករំលែកក្តីស្រលាញ់ ភាពរីករាយ រីកចម្រើនឆ្ពោះទៅមុខទាំងអស់គ្នា។
