មិនធម្មតាមែន! បើកសុទ្ធ Lexus 470 ដឹកគ្រឿងញៀន ជាង ៤០០គីឡូ ពីខេត្តស្ទឹងត្រែង ឆ្ពោះទៅកាន់រាជធានីភ្នំពេញ តែត្រូវ ប៉ូលិស ស្ទាក់ចាប់បាន ត្រឹមស្រុកព្រៃឈរ!
ខេត្តកំពង់ចាម៖ អយ្យការអមសាលាដំបូងខេត្តកំពង់ចាម ចេញសេចក្តីប្រកាសព័ត៌មានពាក់ព័ន្ធទៅនឹងចំណាត់ការ ទៅលេីសំណុំរឿងគ្រឿងញៀន ដែលជា បទល្មេីស ដឹកជញ្ជូនដោយខុសច្បាប់ នូវសារធាតុញៀនចំនួន ៤២៩ គីឡូក្រាម ដែលជនល្មេីសបានធ្វេីការដឹកជញ្ជូនសារធាតុញៀនទាំងនេះ ពីខេត្តស្ទឹងត្រែង ឆ្ពោះទៅកាន់រាជធានីភ្នំពេញ ដោយបានឆ្លងកាត់ខេត្តកំពង់ចាម ក៏ត្រូវបង្រ្កាបបាន។
ចំពោះករណីនេះ អយ្យការអមសាលាដំបូងខេត្តកំពង់ចាម បានសម្រេចធ្វេីការចោទប្រកាន់មនុស្សចំនួន ៤ នាក់ និងបក្ខពួកផងដែរ។
គួរបញ្ជាក់ថា បទល្មេីសគ្រឿងញៀន ជាបទល្មេីសមួយ ដែល រាជរដ្ឋាភិបាល បានប្តេជ្ញា បង្ការ ទប់ស្កាត់ និងបង្រ្កាប ឲ្យខានតែបាន ដោយគ្មានការលេីកលែងឡេីយ។
អយ្យការអមសាលាដំបូងខេត្តកំពង់ចាម បាននិងកំពុងអនុវត្តច្បាប់ដោយមុឺងម៉ាត់ជាទីបំផុតចំពោះករណីគ្រឿងញៀន។
