អាជ្ញាធរ ចុះណែនាំ ទីតាំងស្រះ ចិញ្ចឹមត្រី និងទីតាំង អាជីវកម្ម បោចមាន់
ភ្នំពេញ៖ តបតាមបញ្ជាដឹកនាំរបស់លោក ជិន ប៊ុនធឿន អភិបាល នៃគណៈអភិបាលខណ្ឌប្ញស្សីកែវ នាព្រឹកថ្ងៃអង្គារ ៥រោច ខែផល្គុន ឆ្នាំរោង ឆស័កព.ស ២៥៦៨ ត្រូវនឹងថ្ងៃទី ១៨ ខែមីនា ឆ្នាំ២០២៥ វេលាម៉ោង ៩ និង ០០នាទី ដឹកនាំដោយ លោក ឌន ដាវុឌ នាយករងរដ្ឋបាលខណ្ឌរួមមាន ការិយាល័យសាធារណការខណ្ឌ , ការិយាល័យសេដ្ឋកិច្ចខណ្ឌ និងសង្កាត់ច្រាំងចំរេះទី១ បានចុះពិនិត្យ និងណែនាំ ម្ចាស់អាជីវកម្មចំនួន ០២ទីតាំង ដូចខាងក្រោម៖
១-ទីតាំងស្រះចិញ្ចឹមត្រី ក្រុមការងារបានណែនាំឲ្យម្ចាស់ធ្វើការសម្អាត អនាម័យ ជាប្រចាំជុំវិញម៉ាសុីនលាយចំណីត្រី និងលាងសម្អាតសម្ភារៈប្រើប្រាស់ដែលពាក់ព័ន្ធអោយបានស្អាតជាប្រចាំ ជៀសវាសធ្វើអោយមានក្លិនស្អុយដល់អ្នកជិតខាង ទីតាំងស្ថិតនៅភូមិ៣ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
២-ទីតាំងអាជីវកម្មមាន់បោច ក្រុមការងារបានណែនាំ អោយម្ចាស់ធ្វើការសំអាត អនាម័យ ក្នុងបរិវេណទីធ្លានោះអោយបានស្អាត និងរៀបចំប្រព័ន្ធបង្ហូរទឹកឱ្យបានត្រឹមត្រូវ ជៀសវាងធ្វើអោយមានក្លិនស្អុយប៉ះពាល់ដល់អ្នករស់នៅជិតខាង ទីតាំងស្ថិតនៅភូមិ៤ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
