ខេត្តបាត់ដំបង ៖ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តបាត់ដំមានកិត្តិយសសូមគោរពជម្រាបជូនសាធារណជនបានជ្រាបថានៅថ្ងៃទី៦ខែ មីនាឆ្នាំ២០២៥នេះ បន្ទាប់ពីឃេីញរូបភាព ឃ្លីបវីដេអូ ដែលបណ្តាញសង្គមផ្សព្វផ្សាយពីភាព មិនសមរម្យដែលមានរូប លោកវរសេនីយ៍ឯក សន និល អធិការ នៃអធិការដ្ឋាននគរបាលស្រុករតនមណ្ឌល។
លោកឧត្តមសេនីយ៍ទោ ដាញ់អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង បានចាត់វិធានការឱ្យផែនការងារធនធានមនុស្សធ្វេីការស្រាវជ្រាវលេីករណីនេះបន្ទាន់។
ក្នុងករណីដែលរកឃេីញនូវកំហុសឆ្គងដែលបង្កឡេីងដោយលោកអធិការ និងមន្រ្តីផ្សេងទៀតនោះ ថ្នាក់ដឹកនាំស្នងការនឹងមានវិធានការខាងវិន័យនគរបាលជាតិស្របតាមកម្រិតនៃអំពេីនោះ។
ដូចបានជម្រាបជូនខាងលេីសូមសាធារណជនមេត្តាជ្រាបជាព័ត៌។
