ខេត្តកណ្តាល៖ លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បញ្ជាក់ថា នៅថ្ងៃទី ១៩ ខែកុម្ភៈ ឆ្នាំ២០២៥នេះ កម្លាំងជំនាញយុទ្ធភណ្ឌមិនទាន់ផ្ទុះសំណល់សង្គ្រាម បានបោសសម្អាតគ្រាប់បែកទម្លាក់ពីយន្តហោះប្រភេទMK82 ទម្ងន់២៣០គីឡូក្រាម ចំនួន២ទីតាំង ស្ថិតក្នុង២ខេត្តគឺ មួយទីតាំងស្ថិតនៅឃុំដេីមឬស ស្រុកកណ្តាលស្ទឹង ខេត្តកណ្តាល និងមួយទីតាំងទៀតស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
តាមលក្ខណៈបច្ចេកទេសគ្រាប់បែកMK82 នៅឃុំដេីមឬស ស្រុកកណ្តាលស្ទឹង អាចដោះបន្សាបនិងដឹកជញ្ជូនទៅកន្លែងសុវត្ថិភាពដោយជោគជ័យ។ ដោយឡែកគ្រាប់បែកនៅឃុំត្រែងត្រយឹង មិនអាចដោះបន្សាបនិងដឹកជញ្ជូនបានទេ ដោយស្ថានភាពគ្រាប់បែកមានហានិភ័យខ្ពស់ ត្រូវកាត់បន្សាបដោយម៉ាសុីនស្វ័យប្រវត្តិនិងអាចកម្ទេចនៅហ្នឹងកន្លែងតែម្តងនៅថ្ងែស្អែកទី២០ ខែកុម្ភៈ។
