គ្រោះថ្នាក់ចរាចរណ៍នៅ ចំណោទឡេីងភ្នំ លោកយាយ ម៉ៅពេជ្រនិល ទៀតហើយ! ស្លា.ប់ និងរបួ.សធ្ង.ន់ស្រាលច្រើននាក់
កំពង់ស្ពឺ៖ សមត្ថកិច្ច បញ្ជាក់ថា នៅថ្ងៃទី៧ ខែកុម្ភៈ ឆ្នាំ២០២៥ នៅលើផ្លូវជាតិលេខ៤ ចន្លោះគីឡូម៉ែត្រ ១០៣-១០៤ ត្រង់ចំណុចចុះចំណោត ភូមិទី៦ ឃុំយាយម៉ៅពេជ្រនិល ស្រុកភ្នំស្រួច មាន ករណីគ្រោះថ្នាក់ចរាចរណ៍ បង្កឡេីង រវាងរថយន្ត១គ្រឿង ម៉ាក HYUNDAI ពណ៌ស ពាក់ផ្លាកលេខ ភ្នំពេញ 3E-7768 បើកបរ ដោយឈ្មោះ រ៉ុង ធួក ភេទប្រុស អាយុ៤៨ឆ្នាំ ភូមិបឹងតាមុំ ឃុំផុង ស្រុកបសេដ្ឋ ខេត្តកំពង់ស្ពឺ បើកបរពីទិសខាងកើតទៅទិសខាងលិច មកដល់ចំណុចខាងលើ បានទៅបុករថយន្ត ១គ្រឿង ម៉ាក ISUZU ពណ៌ស ពាក់ផ្លាកលេខភ្នំពេញ 3F-8332 បើកបរ ដោយ ឈ្មោះ ឃីម ស៊ាងហ៊ន់ ភេទប្រុស អាយុ២៦ឆ្នាំ រស់នៅភូមិដំណាក់ស្នួល ឃុំគោគគង់ ស្រុកកញ្ជៀច ខេត្តព្រៃវែង អ្នករួមដំណើរ ម្នាក់ ក្នុងទិសដៅបញ្ច្រាសទិសគ្នា បណ្ដាលឲ្យគ្រោះថ្នាក់ មនុស្ស និងខូចខាតទ្រព្យសម្បត្ដិ ស្លាប់៣នាក់ ប្រុស និងខូចខាតរថយន្ត២គ្រឿងធ្ងន់។
លោកអធិការនគរបាលស្រុកភ្នំស្រួច បានអោយដឹងថា ក្រោយទទួលបានព័ត៌មានពីហេតុការណ៍គ្រោះថ្នាក់ខាងលេី លោកបានបញ្ជាអោយកំលាំងនគរបាល ដែលប្រចាំការនៅគោលដៅ លោកយាយម៉ៅ ប៉ុស្តិ៍នគរបាលរដ្ឋបាល និងផ្នែកសណ្ដាប់ធ្នាប់ ចុះសម្រួលសង្រ្គោះបន្ទាន់ ប៉ុន្ដែ អកុសលអ្នកដំណេីរ ក្នុងរថយន្ដ របួសធ្ងន់ ទេីបបណ្ដាលអោយស្លាប់។
សមត្ថកិច្ចជំនាញ សន្និដ្ឋាន ថា ករណីគ្រោះថ្នាក់ខាងលើ បណ្ដាលមកពី អ្នកបេីកបររថយន្ដស្ទួច រេចង្កូត ទៅផ្នែកគន្លងផ្លូ វរថយន្ដ ដែលចុះចំណោទ ទេីបបណ្ដាលអោយបុកគ្នាតែម្ដង រីឯវត្ថុតាងរថយន្ដទាំង២គ្រឿង សមត្ថកិច្ច បានស្ទូចយកមករក្សាទុកនៅ អធិការដ្ឋាននគរបាលស្រុកភ្នំស្រួច ដើម្បីចាត់ការតាមនីតិវិធី។
សមត្ថកិច្ច នៃស្នងការដ្ឋាននគរបាលខេត្ដកំពង់ស្ពឺ សំណូមពរ អ្នកបេីកបររថយន្តធន់ធ្ងន់ ឬទេសចរណ៍គ្រប់ប្រភេទ មេត្តាកុំបេីកបរលេីសម៉ោងកំណត់ នៃសុខភាពផ្ទាល់ខ្លួន ងងុយគេង ឬមានសារធាតុស្រវឹង។ ល។
