មន្ទីរសុខាភិបាល ខេត្តព្រះវិហារ បញ្ជាក់ថា នៅថ្ងៃទី ៥ ខែ កុម្ភ: ២០២៥ លោក គួង ឡូ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលខេត្តព្រះវិហារ បានណែនាំអោយលោកវេជ្ជបណ្ឌិត ស៊ុម សុីញ អនុប្រធានមន្ទីរសុខាភិបាលខេត្ត ដឹកក្រុមការងារសេវាឯកជនមន្ទីរសុខាភិបាល និងសហការី ដោយមានការចូលរួមជាមួយ ការិយាល័យច្រកស្រុករវៀង អនុឃ៉ំ រុងរឿង មេប៉ុស្តិ៍ រុងរឿង និងមន្ត្រីមណ្ឌលសុខភាព បានចុះផ្អាក អ្នកប្រកបវិជ្ជាជីវ: សុខាភិបាល ១កន្លែង និងត្រួតពិនិត្យសេវាឯកជន បន្ទប់ថែទាំ ២កន្លែង បន្ទប់ពិគ្រោះ ១កន្លែង និងចុះវាយតម្លៃស៉ំបើកថ្មី បន្ទប់ថែទាំអ្នកជំងឺមាត់ធ្មេញ ១កន្លែងផងដែរ។
