មនុស្ស ម្នាក់ បា.ត់បង់ អា.យុជី.វិត ក្នុងគ្រោះអគ្គិភ័យ ឆេះផ្ទះ នៅស្រុកបាណន់
បាត់ដំបង ៖ គ្រោះអគ្គិភ័យ បានកើតឡើងមួយលើក បណ្តាលអោយឆេះផ្ទះមួយខ្នង និងស្លា.ប់ មនុស្សម្នាក់ ក្នុងភ្នក់ភ្លើង យ៉ាងអាណោចអាធ៌ម។ ហេតុការណ៍នេះ បានកើតឡើងកាលពីវេលាម៉ោង១០ និង៤០នាទី ព្រឹកថ្ងៃទី២៨ ខែមករា ឆ្នាំ២០២៥ នៅចំណុចក្រុមទី៧ ភូមិដូង ឃុំឈើទាល ស្រុកបាណន់ ខេត្តបាត់ដំបង។
ក្រោយពេលកើតហេតុភ្លាមៗនោះកម្លាំងនគរបាលនៃអធិការដ្ឋាននគរបាល ស្រុកបាណន់ បានចេញរថយន្តពន្លត់អគ្គីភ័យ១គ្រឿង ចុះជួយពន្លត់ទប់ស្កាត់ កុំអោយឆេះរាលដាលដល់ផ្ទះប្រជាពលរដ្ជដែលរស់នៅក្បែរៗនោះ។
ផ្ទះដែលត្រូវអគ្គិភ័យ ឆាបឆេះ នោះគឺជាកម្មសិទ្ធិ របស់ ឈ្មោះ ជឿន វណ្ណៈ ភេទប្រុស អាយុ៦២ឆ្នាំ និង ប្រពន្ធឈ្មោះ ស្រេង សុភាព ភេទស្រី អាយុ៥៧ឆ្នាំ រស់នៅចំណុចកើតហេតុ។
ប្រភពព័ត៌មាន ពីសមត្ថកិច្ចបានអោយដឹងថា គ្រោះអគ្គិភ័យនេះ បណ្តាលអោយជនរងគ្រោះម្នាក់ឈ្មោះ វណ្ណៈ ថាវី ភេទស្រី អាយុ២៩ឆ្នាំ ស្លាប់បាត់បង់ជីវិត ខាតបង់ទ្រព្យសម្បត្តិ និងឆេះផ្ទះអស់ទាំងស្រុង។
សមត្ថកិច្ចបានដាក់ការសង្ស័យថា ប្រហែលជនរងគ្រោះដុ.តធ្វើអត្ត.ឃា.តដោយខ្លួនឯង ពីព្រោះកន្លងមក ជនរងគ្រោះធ្លាប់ដុតពូក មុង ខ្នើយក្នុងផ្ទះម្តងហើយ។
ជុំវិញបញ្ហាដូចការរៀបរាប់ខាងលើ សមត្ថកិច្ចកំពុងធ្វើការស្រាវជ្រាវនៅឡើយ៕
ដោយ ៖ សុខ កុសល
