ជនបរទេស ក៍ចេះលេង អាប៉ោង ដែរ ត្រូវ ប៉ូលិសឃាត់ខ្លួន ជាមួយ មនុស្សប្រុសស្រី ៣នាក់ នៅឃុំត្រពាំងផ្លុង

ខេត្តត្បូងឃ្មុំ៖ សមត្ថកិច្ច បញ្ជាក់ថា កាលពីថ្ងៃទី២៣ ខែមករា ឆ្នាំ២០២៥ វេលាម៉ោង ២១ និង៥០នាទី កម្លាំងជំនាញ ការិយាល័យនគរបាលព្រហ្មទណ្ឌ នៃស្នងការដ្ឋាននគរបាលខេត្តត្បូងឃ្មុំ និងអធិការដ្ឋាននគរបាលស្រុកពញាក្រែក បានចុះបង្ក្រាបករណីលួច លេងល្បែងស៊ីសងខុសច្បាប់នៅចំណុចការដ្ឋានកំពុងសាងសង់ ស្ថិតនៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ឃាត់ខ្លួនមនុស្សចំនួន៤នាក់:

១-ឈ្មោះ ឆាយ ចាន់ថុល ភេទស្រី អាយុ ៤៥ឆ្នាំ រស់នៅភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល។

២-ឈ្មោះហួន ហុង ភេទប្រុស អាយុ ៥៧ឆ្នាំ រស់នៅភូមិរលួស ឃុំអូរ ស្រុកភ្នំស្រួច ខេត្តកំពង់ស្ពឺ។

៣-ឈ្មោះណាល់ រឿន ភេទប្រុស អាយុ ៤៩ឆ្នាំ រស់នៅភូមិទស្សនៈ ឃុំចុងដូង ស្រុកបារាយណ៏ខេត្តកំពង់ធំ។

៤- ឈ្មោះ អា ក្រាម (MD AKRAM) ភេទប្រុស អាយុ ២៨ឆ្នាំ ជនជាតិ បង់ក្លាដេស។

ដកហូតវត្ថុតាង រួមមាន:

១-ហាន់តោអាប៉ោង ចំនួន៥
២-ហាន់តោកូនសត្វ ចំនួន៣
៣-គម្របអាប៉ោង ចំនួន២
៤-កាធុនចំនួន៦
៥-ចានអាប៉ោង ចំនួន១
៦-គ្រាប់អាប៉ោង ចំនួន២
៧-ប្រាក់រៀល ចំនួន៦០,០០០(ប្រាំមួយម៉ឺន)រៀល។
ជនសង្ស័យទាំង៤នាក់ ត្រូវបានបញ្ជូនមកកាន់អធិការដ្ឋាននគរបាលស្រុកពញាក្រែក ដើម្បីធ្វើការសាកសួរ និងបំពេញសំណុំរឿងតាមនីតិវិធី ។