ខេត្តបាត់ដំបង៖ ប្រជាពលរដ្ឋ ម្នាក់ បានបាត់បង់ជីវិត ដោយសារបើក រថយន្ត ដឹកប្រមូលផលដំឡូង ក្នុងចម្ការដំឡូងមី របស់ខ្លួន ជាន់ផ្ទុះគ្រាប់មីនតោនសំណល់សង្គ្រាម។
ករណីគ្រោះថ្នាក់នេះ កើតឡើង ស្ថិតក្នុងភូមិកូនភ្នំខាងត្បូង ឃុំតាស្ដា ស្រុកសំពៅលូន ខេត្តបាត់ដំបង នៅវេលាម៉ោងប្រមាណជាង៣រសៀលនៅថ្ងៃទី១៧ ខែមករា ឆ្នាំ២០២៥។
កម្លាំងជំនាញ អង្គភាព CMAC ក៏បានជួយត្រួតពិនិត្យបើកផ្លូវ និងទីតាំងសុវត្ថិភាព នៅកន្លែងកើតឧបទ្ទវហេតុនោះជូនប្រជាពលរដ្ឋ។
