នៅសល់ពេលតែ៤ថ្ងៃទៀត សម្តេចធិបតី អញ្ជើញក្នុងពិធីជួបសំណេះសំណាល ជាមួយបងប្អូនគ្រួសារអតីតយុទ្ធជនទាំង៦២៨គ្រួសារ និងសម្ពោធសមិទ្ធផលនានា នៅក្នុងភូមិប៊ុនរ៉ានីសែនជ័យ ដំណាក់ទ្រយឹង!

ជាក់ស្តែងនាថ្ងៃ១៦ ខែមករា ឆ្នាំ២០២៥នេះ នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី, នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ និងជាអគ្គលេខាធិការសមាគមអតីតយុទ្ធជនកម្ពុជា, និងឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញចុះពិនិត្យដោយផ្ទាល់ នៅទីតាំងមួយចំនួន និងជម្រុញដល់គណៈកម្មការ និងអនុគណៈកម្មការរៀបចំទទួលបដិសណ្ឋារកិច្ចសម្តេច ត្រូវសហការល្អ និងខិតខំពន្លឿនកិច្ចការងារ ប្រកបដោយស្មារតីទទួលខុសត្រូវខ្ពស់។