កម្លាំងអាវុធហត្ថខេត្តកំពង់ស្ពឺបានធ្វើការបង្រ្កាប និងឃាត់ខ្លួនជនសង្ស័យចំនួន០២នាក់(ស្រី០១នាក់) ពាក់ព័ន្ធករណីគ្រឿងញៀនបញ្ជូនទៅតុលាការ

កំពង់ស្ពឺ ៖ដោយមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ និងមានការសម្របសម្រួលពី លោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ នៅថ្ងៃទី០៤ ខែធ្នូ ឆ្នាំ២០២៤ វេលាម៉ោង ១៤:៤៧ នាទីល្ងាច កម្លាំងកងរាជអាវុធហត្ថខេត្តកំពង់ស្ពឺ បានសហការជាមួយកម្លាំងមូលដ្ឋានកងរាជអាវុធហត្ថក្រុងច្បារមន ដឹកនាំដោយ លោកវរសេនីយ៍ត្រី ធី ឆៃ មេបញ្ជាការមូលដ្ឋានកងរាជអាវុធហត្ថក្រុងច្បារមន បានធ្វើការបង្រ្កាប និងឃាត់ខ្លួនជនសង្ស័យចំនួន០២នាក់(ស្រី០១នាក់) ពាក់ព័ន្ធករណីគ្រឿងញៀន ស្ថិតនៅចំណុចខារ៉ាអូខេ វិរតន៍១៦៨ ភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

-ទី១.ឈ្មោះ អុំ ឆវី ភេទស្រី អាយុ៣៧ឆ្នាំ មុខរបរ (ម្ចាស់ផ្ទះខារ៉ាអូខេ) មានទីលំភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ
-ទី២.ឈ្មោះ សៅ មករា ភេទប្រុស អាយុ៤១ឆ្នាំ មានទីលំនៅភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ

ដកហូតវត្ថុតាងបានរួមមាន៖ ម្សៅក្រាមសរថ្លាចំនួន០៥កញ្ចប់ធំល្មម,ម៉ូតូ០១ គ្រឿង,ទូរស័ព្ទចំនួន០៤គ្រឿង,ជញ្ជឹងថ្លឹងចំនួន០១គឿង,នាឡិការចំនួន០៣គ្រឿង និងលុយចំនួន ១០០.០០០រៀល។

បច្ចុប្បន្នជនសង្ស័យ រួមនិងវត្ថុតាងត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីបន្តនីតិវិធីតាមច្បាប់៕