កម្លាំងជំនាញកងរាជអាវុធហត្ថខេត្តកំពង់ស្ពឺ ធ្វើការឃាត់ខ្លួនជនសង្ស័យ ចំនួន ០៥នាក់ ពាក់ព័ន្ធករណី គ្រឿងញៀន

កំពង់ស្ពឺ ៖ ដោយមានការចង្អុលបង្ហាញពីលោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ និងមានការសម្របសម្រួលពី លោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ នៅថ្ងៃទី០៨ ខែវិច្ឆិកា ឆ្នាំ២០២៤ វេលាម៉ោង ១៧:០០នាទី ស្ថិតនៅចំណុចភូមិថ្មី សង្កាត់រការធំ ក្រុងច្បារមន ខេត្តកំពង់ស្ពឺ កម្លាំងជំនាញកងរាជអាវុធហត្ថខេត្តកំពង់ស្ពឺ បានសហការជាមួយ កម្លាំងមូលដ្ឋានកងរាជអាវុធហត្ថក្រុងច្បារមន ធ្វើការល្បាតតាមភូមិសាស្ដ្រ បានធ្វើការឃាត់ខ្លួនជនសង្ស័យ ចំនួន ០២នាក់ ពាក់ព័ន្ធករណី គ្រឿងញៀន …

-ទី១. ឈ្មោះ ឆេង ប៊ុនណាត ហៅក្រៅ (ណាត) ភេទប្រុស អាយុ៣៤ឆ្នាំ មុខរបរមិ ពិតប្រាកដ

-ទី២. ឈ្មោះ ឈួន សូរិយា ភេទប្រុស អាយុ២៧ឆ្នាំ មុខរបរបើកបរ

ដោយចាប់យកវត្ថុតាងបានរួមមាន : ក្រាមពណ៌សថ្លាសង្ស័យសារធាតុញៀន ចំនួន ០២កញ្ចប់, ទូរសព្ទ ចំនួន ០២គ្រឿង, ជញ្ជីងសម្រាប់ថ្លឹងគ្រឿងញៀន ចំនួន ០១គ្រឿង និងឧបករណ៍ប្រើប្រាស់គ្រឿងញៀនមួយចំនួន ។

នៅវេលាម៉ោង ១៧:៣០នាទី ថ្ងៃទី០៨ ខែវិច្ឆិកា ឆ្នាំ២០២៤ ស្ថិតនៅទីតាំងដដែល កម្លាំងជំនាញកងរាជអាវុធហត្ថខេត្តកំពង់ស្ពឺ សហការជាមួយកម្លាំងមូលដ្ឋានកងរាជអាវុធហត្ថក្រុងច្បារមន ធ្វើការបង្ក្រាបករណី គ្រឿងញៀន … និងបានធ្វើការឃាត់ខ្លួនជនសង្ស័យបាន ចំនួន ០៣នាក់ ជនសង្ស័យរួមមាន ៖

-ទី១. ឈ្មោះ ឈៀវ គីមឡុង ហៅក្រៅ ភេទប្រុស អាយុ២៣ឆ្នាំ មុខរបរនិស្សិត

-ទី២. ឈ្មោះ គី កោសា ភេទប្រុស អាយុ២៩ឆ្នាំ មុខរបររោងចក្រ

-ទី៣. ឈ្មោះ បោក ស្រីទី ភេទស្រី អាយុ១៨ឆ្នាំ មុខរបរលក់នំបញ្ចុក

ដោយដកហូតបានវត្ថុតាង : ក្រាមពណ៌សថ្លាសង្ស័យសារធាតុញៀនចំនួន ០២កញ្ចប់, ម្សៅពណ៍សសង្ស័យជាសារធាតុញៀន (K) ចំនួន ០១កញ្ចប់, ថង់សម្រាប់ច្រកគ្រឿងញៀនមួយចំនួន និងឧបករណ៍ប្រើប្រាស់គ្រឿងញៀនមួយចំនួន) ។

បច្ចុប្បន្ន ជនសង្ស័យ និងវត្ថុតាងត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តនីតិវិធី ។