ឯកឧត្តម ប្រាក់ សោភ័ណ អបអរសាទរ ដល់សិស្សានុសិស្ស ដែលទទួលបានជ័យលាភីចំនួន ៩១២៥នាក់ (និទ្ទេសA 221 នាក់)
ខេត្តសៀមរាប៖ ឯកឧត្តម ប្រាក់ សោភ័ណ អភិបាលខេត្តសៀមរាប លើកឡើងថា ៖ និទ្ទេសA 221 នាក់ ក្នុងចំណោមសិស្ស ដែលប្រលងជាប់៩១២៥នាក់ នាយក ពូកែ គ្រូមានឆន្ទះ សិស្សតស៊ូ មាតាបិតា យល់ដឹងល្អ រដ្ឋបាលខេត្ត គាំទ្របំពេញគ្រប់តម្រូវការ។
ឯកឧត្តម អភិបាលខេត្តសៀមរាប សូមអបអរសាទរ ដល់សិស្សានុសិស្សដែលទទួលបានជ័យលាភីចំនួន ៩១២៥នាក់ ស្មេីនឹង ៨៦,១០% ស្រី ៥ ៥០៤នាក់ នៃការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤ ខេត្តសៀមរាប នាសម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៣-២០២៤ កាលពីថ្ងៃទី០៨ ខែតុលា ឆ្នាំ២០២៤ មានសិស្សប្រឡងសរុប ១០ ៧៣៦នាក់ ស្រី៦ ២៥៧នាក់។
ជាលទ្ធផលជាផ្លូវការឆ្នាំសិក្សា២០២៣-២០២៤ ការប្រឡងសញ្ញាបត្រមធ្យមសិក្សាទុតិយភូមិ បេក្ខជនមកប្រឡងសរុប១០ ៥៩៨នាក់ ស្រី ៦ ២០៤នាក់ ប្រឡងជាប់សរុប ៩ ១២៥នាក់ ស្មេីនឹង ៨៦,១០% ស្រី ៥ ៥០៤នាក់ និងទទួលបាននិទ្ទេសA ចំនួន ២២១នាក់ ស្រី ១២២នាក់ និទ្ទេសB ៨៦៤នាក់ ស្រី ៥៦១នាក់ និទ្ទេសC ២ ០៧១នាក់ ស្រី ១ ៣៥៣នាក់ និទ្ទេសD ៣ ២៩៨នាក់ ស្រី ១ ៩៩៨នាក់ និងនិទ្ទេសE ២ ៦៧១នាក់ ស្រី ១ ៤៧០នាក់។
