ដំណឹងរីករាយ! អភិបាលខេត្តកំពង់ចាម ផ្តល់អាហារូបករណ៍ និងម៉ូតូមួយគ្រឿង ដល់សិស្សម្នាក់ ប្រឡងជាប់និន្ទេសA មានបំណងបន្តការសិក្សា តែគ្មានលទ្ធភាព…!

ខេត្តកំពង់ចាម៖ ឯកឧត្តម អ៊ុន ចាន់ដា អភិបាលខេត្តចាម ប្រាប់ TNN NEWS តាមតេឡេក្រាម នារសៀលថ្ងៃទី២ វិច្ឆិកា ២០២៤ នេះថា ខ្ញុំផ្តល់អាហារូបករណ៍ និងម៉ូតូមួយគ្រឿង។

សូមជម្រាបថា ក្រោយពីទទួលបានព័ត៌មាន លើបណ្តាញសង្គម ដែលមានគណនីឈ្មោះ Oun Pov កាលពីថ្ងៃ០១ ខែវិច្ឆិកា ឆ្នាំ២០២៤នេះ នៅព្រឹកថ្ងៃទី០២ ខែវិច្ឆិកា ឆ្នាំ២០២៤ លោក បាន ស្រេង អភិបាល នៃគណៈអភិបាលស្រុកស្ទឹងត្រង់ រួមជាមួយលោកមេឃុំសូភាស មេភូមិដីក្រហម បានចុះជួបសំណេះសំណាល និងសាកសួរសុខទុក្ខ ជាមួយសិស្សឈ្មោះ គីម យ៉េកហ៊ាង ដែលជាសិស្សប្រឡងជាប់មធ្យមសិក្សាទុតិយភូមិឆ្នាំសិក្សា (2023-2024) ទទួលបាននិទ្ទេសA និងអាណាព្យាបាល ឃើញថាពួកគាត់ពិតជាមាន ជីវភាពខ្វះខាតជួបការលំបាកពិតប្រាកដ ។

ក្នុងឱកាសនោះដែរ លោកអភិបាលស្រុក បានកោតសរសើរនូវការខិតខំប្រឹងប្រែងលើការសិក្សារបស់ក្មួយស្រី រហូតដល់ទទួលនិទ្ទេសA ទោះបីជាស្ថានភាពគ្រួសារបស់ក្មួយជួបការលំបាកយ៉ាងណាក្តី និងបានលើកទឹកចិត្តបន្ថែមទៀតដល់ក្មួយស្រី ដើម្បីបន្តក្តីសង្ឃឹមសម្រាប់ឆ្ពោះទៅរកការសិក្សានៅថ្នាក់ ឧត្តមសិក្សាបន្ថែមទៀត ជាពិសេសការប្រឡងចូលអាហាររូបករណ៍តាមគ្រឹះស្ថានសិក្សារបស់រដ្ឋ ឬឯកជន តាមជំនាញដែលក្មួយស្រីស្រលាញ់និងចង់សិក្សា ។