បាត់ដំបង៖ ករណីអគ្គីភ័យ បានកើតឡើងមួយលើកបណ្តាលអោយឆេះលំនៅដ្ឋានប្រជាពលរដ្ឋអស់ចំនួន៥ខ្នង និងខាតបង់ទ្រព្យសម្បត្តិអស់ជាច្រើន។
ហេតុការណ៍នេះបានកើតឡើងកាលពីវេលាម៉ោង ១១និង៣០ នាទីយប់ ថ្ងៃទី២៣ ខែតុលា ឆ្នាំ២០២៤ ចំណុចផ្សារកំពីងពួយ សំណង់ទី២ ស្ថិតនៅក្នុងភូមិ អន្លង់ស្វាយ ឃុំតាគ្រាម ស្រុកបាណន់ ខេត្តបាត់ដំបង។
ក្រោយពេលកើតហេតុភ្លាមៗនោះកម្លាំងនគរបាលបង្ការ និងពន្លត់អគ្គីភ័យ នៃស្នងការដ្ឋាននគរបាល ខេត្តបាត់ដំបង បានចេញរថយន្តពន្លត់អគ្គីភ័យចំនួន៦គ្រឿង ដើម្បីចុះជួយបាញ់ទឹកពន្លត់ ភ្លើងទប់ស្កាត់កុំអោយឆេះរាលដាលបន្ត។
ប្រភពព័ត៌មានពីសមត្ថកិច្ចបានអោយដឹងថា៖គ្រោះអគ្គីភ័យនៅចំណុចខាងលើបានឆេះបំផ្លាញលំនៅដ្ឋានប្រជាពលរដ្ឋចំនួនខ្នង រថយន្តលុចស៊ីស330 ១គ្រឿង និង សម្ភារៈប្រើប្រាស់មួយចំនួនទៀត សរុបជាទឹកប្រាក់ អស់២២៥០០០ ដុល្លារអាមេរិក។
សូមបញ្ជាក់ថា៖ករណីអគ្គីភ័យដូចការរៀបរាបខាងលើមិនមានគ្រោះថ្នាក់ដល់អាយុជីវិតមនុស្សឡើយ។
ចំពោះមូលហេតុដែលបង្ក អោយមានអគ្គិភ័យកើតឡើង សមត្ថកិច្ចកំពុងធ្វើការស្រាវជ្រាវបន្ត៕
ដោយ ៖ សុខ កុសល
