មេបញ្ជាការ កងរាជអាវុធហត្ថខេត្តកណ្តាល ជួបសំណេះសំណាល សួរសុខទុក្ខ ជាមួយបងប្អូនក្រុមកីឡាករទូក ង វត្តទេពរង្សី ឈ្មោះ ទេពពេជ្រកុមារមហាពិភពគុណ

កណ្ដាល ៖ នៅថ្ងៃទី១៧ ខែតុលា ឆ្នាំ២០២៤ លោក ឧត្ដមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំមេបញ្ជាការរងខេត្ត និងក្រុមការងារពាក់ព័ន្ធ ជួបសំណេះសំណាល សួរសុខទុក្ខ ជាមួយបងប្អូនក្រុមកីឡាករទូក ង វត្តទេពរង្សី ឈ្មោះ ទេពពេជ្រកុមារមហាពិភពគុណ របស់កងរាជអាវុធហត្ថលើផ្ទៃប្រទេស ដែលបានចូលរួមការប្រគួតក្នុងពិធីប្រណាំងទូក ក្រុងតាខ្មៅ ខេត្តកណ្តាល។

ក្នុងឱកាសនោះលោក ឧត្ដមសេនីយ៍ មេបញ្ជាការ ក៏បាននាំយកនូវគ្រឿងឧបភោគបរិភោគនិងថវិកា ដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ សៅ សុខា អគ្គបញ្ជាការរង នៃកងយោធពលខេរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ឧបត្ថម្ភ ដល់ក្រុមកីឡាករទូក ង វត្តទេពរង្សី ឈ្មោះ ទេពពេជ្រកុមារមហាពិភពគុណ មួយចំនួនផងដែរ ព្រមទាំងបានជូនពរដល់ក្រុមកីឡាករ សូមឱ្យទទួលបានជ័យលាភី។