ដំណឹងល្អ សំរាប់ប្អូនៗ ប្រឡងបាក់ឌុប ក្នុងស្រុកជើងព្រៃ! ផ្ទះសំណាក់ និងបន្ទប់ជួល ៦ទីតាំងផ្សេងគ្នា អាចស្នាក់នៅដោយឥតគិតថ្លៃ

ខេត្តកំពង់ចាម ៖ រដ្ឋបាលស្រុកជើងព្រៃ ចេញសេចក្តីជូនដំណឹងពិសេស ស្តីពីការផ្តល់បន្ទប់ស្នាក់នៅដោយឥតគិតថ្លៃ ជូនសិស្សានុសិស្សដែលមកប្រឡងក្នុងស្រុកជើងព្រៃ។
ដើម្បីជួយសម្រួលការលំបាក និងកាត់បន្ថយការចំណាយរបស់អាណាព្យាបាល និងសិស្សានុសិស្ស លោក ស៊ីម គង់ អភិបាល នៃគណៈអភិបាលស្រុកជើងព្រៃ បានរៀបចំបន្ទប់ស្នាក់នៅដោយឥតគិតថ្លៃចំនួន ៣៦បន្ទប់ ទឹកសុទ្ធ និងការផ្ញើរកង់ម៉ូតូដោយឥតគិតថ្លៃ ជូនសិស្សានុសិស្សដែលមកចូលរួមប្រឡងមធ្យមសិក្សាទុតិយភូមិ ក្នុងស្រុកជើងព្រៃ នាថ្ងៃទី៨-៩ ខែតុលា ឆ្នាំ២០២៤ ខាងមុខនេះ។
ទីតាំងបន្ទប់ស្នាក់នៅដែលរដ្ឋបាលស្រុកបានត្រៀមទុករួមមានដូចខាងក្រោម៖
១-ផ្ទះសំណាក់ ហេង សុខសាន្ត ចំនួន៥បន្ទប់ ស្ថិតនៅខាងកើតរង្វង់មូលរូបដំរី តាមផ្លូវបេតុង ស្ថិតនៅភូមិស្គន់ ឃុំសូទិប ស្រុកជើងព្រៃ
២-ផ្ទះសំណាក់ បូព៌ា ចំនួន ៥បន្ទប់ ផ្លូវចូលវត្តសុគន្ធារាម ទល់មុខមន្ទីរពេទ្យបង្អែកជើងព្រៃ
៣-ផ្ទះសំណាក់ មនោរម្យ ចំនួន ៥បន្ទប់ ស្ថិតនៅភូមិឈើទាល ឃុំផ្តៅជុំ ស្រុកជើងព្រៃ។
៤-ផ្ទះសំណាក់ ៥៥៥ ចំនួន ៥បន្ទប់ ស្ថិតនៅភូមិប៉ាណា ឃុំសូទិប ។
៥-ផ្ទះសំណាក់ ស្វាយចន្ទី ចំនួន ៣បន្ទប់ ស្ថិតនៅភូមិឈើទាល ឃុំផ្តៅជុំ ស្រុកជើងព្រៃ។
៦-បន្ទប់ជួលលោកពូវ៉ាន់ចំនួន ១៣បន្ទប់ ស្ថិតនៅភូមិតាសែន ឃុំសូទិព្វ ស្រុកជើងព្រៃ។

ប្រសិនបើបងប្អូនមានបំណងចង់ស្នាក់នៅ ឬព៏ត៌មានលម្អិត សូមធ្វើការទំនាក់ទំនងរដ្ឋបាលស្រុករៀងរាល់ម៉ោងធ្វើការ ឬតាមរយៈលេខទូរស័ព្ទ ០៩២ ៧១១ ២២៣ ០៦៩ ៥៥៥ ៤៤០ ០៩៦ ៧០៨ ០១០០។