ខេត្តពោធិ៍សាត់៖ នៅថ្ងៃទី៣ ខែតុលា ឆ្នាំ២០២៤ ឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានចាត់តាំងកម្លាំងដែលឈរជើងបំពេញបេសកម្ម នៅឃុំអូរសោម ស្រុកវាលវែង ខេត្តពោធិ៍សាត់ ដឹកនាំដោយ វរសេនីយ៍ត្រី ឆេង ជឿត សហការជាមួយកម្លាំង តំបន់ប្រតិបត្តិការសឹករងពោធិ៍សាត់ កម្លាំងកងការពារព្រំដែនលេខ៥០១ និងអាជ្ញាធរមូលដ្ឋាន ចុះជួយស្វែងរកសាកសពប្រជាពលរដ្ឋម្នាក់ មានឈ្មោះ សេង ឌីណា អាយុ២៧ឆ្នាំ ស្រុកកំណើតស្ថិតនៅភូមិព្រហ៊ូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ មុខរបរ ជាបុគ្គលិក J&T ស្ថិតនៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ បានលង់ទឹកនៅវេលាម៉ោង ១២ និង០៧នាទី ថ្ងៃទី១ ខែតុលា ឆ្នាំ២០២៤ រហូតមកដល់ ម៉ោង ៨និង០០នាទីព្រឹក ថ្ងៃទី៣ ខែតុលា ឆ្នាំ២០២៤ ទើបឃើញសាកសពអណ្តែត និងបានស្រង់សាកសពចេញពីទឹកហើយ រៀបចំវេចខ្ចប់សាកសព និងបានដឹកសពទៅប្រគល់ជូនគ្រួសារនៅភូមិព្រហ៊ូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ដើម្បីធ្វើបុណ្យតាមប្រពៃណី៕
