អភិបាលខណ្ឌច្បារអំពៅ អមដំណើរគណៈប្រតិភូរដ្ឋបាលរាជធានីភ្នំពេញ ចុះសំណេះសំណាលសួរសុខទុក្ខ នាយ-ពលទាហាន និងនាយ-ពលនគរបាលកងពលធំអន្តរាគមន៍លេខ៣ កងពលតូចអន្តរាគមន៍លេខ១២៨ កងពលតូចអន្តរាគមន៍លេខ៩ និងវរសេនាតូចនគរបាលការពារព្រំដែនគោកលេខ៧៩៣

ភ្នំពេញ៖ កាលពីថ្ងៃទី២២ ខែកញ្ញា ឆ្នាំ២០២៤ លោក ចេង មុនីរ៉ា អភិបាលខណ្ឌច្បារអំពៅ និងមន្ត្រីក្រោមឱវាទ បានអមដំណើរគណៈប្រតិភូរដ្ឋបាលរាជធានីភ្នំពេញ ដឹកនាំដោយ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ បានចុះសំណេះសំណាលសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនដល់នាយ-ពលទាហាន និងនាយ-ពលនគរបាលកងពលធំអន្តរាគមន៍លេខ៣ កងពលតូចអន្តរាគមន៍លេខ១២៨ កងពលតូចអន្តរាគមន៍លេខ៩ និងវរសេនាតូចនគរបាលការពារព្រំដែនគោកលេខ៧៩៣ ក្នុងឱកាសបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំ២០២៤ នៅទីបញ្ជាការ កងពលតូចអន្តរាគមន៍លេខ១២៨ យោធភូមិភាគទី១៕