ប៉េអឹមខេត្តកំពង់ស្ពឺ បង្ក្រាបករណី គ្រឿងញៀន ឃាត់ជនសង្ស័យម្នាក់ និងថ្នាំគ្រវី ជាង៦០០គ្រាប់

កំពង់ស្ពឺ ៖ ដោយអនុវត្តបទបញ្ជាដ៏ម៉ឺងម៉ាត់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងដោយមានការសម្របសម្រួលនីតិវិធីពី ឯកឧត្តម ស៊ិន វីរះ ព្រះរាជអាជ្ញា អមសាលាដំបូងខេត្តកំពង់ស្ពឺ កម្លាំងជំនាញកងរាជអាវុធហត្ថខេត្តកំពង់ស្ពឺ បានធ្វើការបង្ក្រាបករណីគ្រឿងញៀននៅវេលាម៉ោង ១ និង១០នាទី ថ្ងៃទី ១៤ ខែកញ្ញា ឆ្នាំ២០២៤ ស្ថិតនៅចំណុចបណ្តោយផ្លូវជាតិលេខ៤ ភូមិរលាំងសង្កែ សង្កាត់សុព័រទេព ក្រុងច្បារមន បានឃាត់ខ្លួនជនសង្ស័យចំនួន០១នាក់ ឈ្មោះ អែល ឡយ ភេទប្រុស អាយុ៣៦ ឆ្នាំ មុខរបរ មិនពិតប្រាកដ រស់នៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ។

ដកហូតវត្ថុតាងរួមមាន:
១.ម៉ូតូចំនួន១គ្រឿង,ក្រាមពណ៍សថ្លាសង្ស័យជាសារធាតុញៀនចំនួន២កញ្ចប់,ខ្សែដៃលោហ:ធាតុពណ៍លឿងចំនួន១ខ្សែ ខ្សែកលោហ:ធាតុពណ៍លឿងចំនួន១ខ្សែ ជញ្ជៀនលោកហ:ធាតុពណ៍លឿងចំនួន១ខ្សែ ថ្នាំគ្រាប់គ្រវី ពណ៌ក្រហមចំនួន ៤ កញ្ចប់ស្មើ ៦០៦ គ្រាប់.ជញ្ជីងសម្រាប់ថ្លឹងគ្រឿងញៀនចំនួន១ គ្រឿង និង ឧបករប្រើប្រាស់គ្រឿងញៀនមួយចំនួន។