សមត្ថកិច្ច ឆែកឆេរ រថយន្តក្រុង នៅច្រកអន្តរជាតិត្រពាំងគ្រៀល រកឃើញគ្រឿងញៀន២៧ដុំ ឃាត់ឃាត់ខ្លួនជនជាតិវៀតណាម២នាក់ 

ខេត្តស្ទឹងត្រែង៖ ជនជាតិវៀតណាម២នាក់ ត្រូវបានឃាត់ខ្លួនបន្ទាប់ពីធ្វើដំណើរតាមរថយន្តក្រុង ពីប្រទេសឡាវ ឆ្លងកាត់ប្រទេសកម្ពុជា តាមច្រកអន្តរជាតិត្រពាំងគ្រៀល ខេត្តស្ទឹងត្រែង ក៏ត្រូវសមត្ថកិច្ចប៉ុស្តិ៍ច្រកអន្តរជាតិត្រពាំងគ្រៀល ធ្វើការឆែកឆេនៅក្នុងរថយន្តក្រុង ក៏ប្រទះឃើញ គ្រឿងញៀននៅក្នុងរថយន្ត។

សមត្ថកិច្ចបានឲ្យដឹងថា ការការឃាត់ខ្លួនជនជាតិវៀតណាមទាំងពីរនាក់ខាងលើនេះ បានធ្វើឡើងកាលពីព្រឹកថ្ងៃទី៤ខែកញ្ញា ឆ្នាំ២០២៤ ខណៈត្រួតពិនិត្យឆែកឆេរក្នុងរថយន្តក្រុង  ក៏ប្រទះ

ឃើញ គ្រឿងញៀន (ម្សៅក្រាមពណ៌សថ្លា និងថ្នាំគ្រាប់មួយចំនួន )នៅក្នុងរថយន្តក្រុងដែលជនសង្ស័យទាំងពីរនាក់បានជិះ។

មន្ត្រីនគរបាលអន្តោប្រវេសន៍ បានឲ្យដឹងទៀតថា កាលពីព្រឹកថ្ងៃទី៤កញ្ញា ២០២៤ រថយន្តក្រុង ចំណុះ៤៥កៅអីពាក់ស្លាកលេខឡាវ 7979ដឹកអ្នកដំណើរ

ពីប្រទេសឡាវ មកប្រទេសកម្ពុជា ០១ ហើយគ្រឿងញៀនត្រូវបានរកឃើញមានផ្ទុកម្សៅក្រាមពណ៌សថ្លា និងថ្នាំគ្រាប់មួយចំនួន នៅក្រោមកៅអីអង្គុយផ្នែកខាងក្រោយ ។

ថ្នាំញៀនទាំងនោះរួមមាន ២៧ដុំធំ ជាប្រភេទក្រាមពណ៌សថ្លា សង្ស័យជាសារធាតុញៀន និងប្រភេទថ្នាំគ្រាប់ពណ៌បៃតង (សង្ស័យជាប្រភេទថ្នាំគ្រវី), ១០ដុំធំ។ជាប្រភេទម្សៅសង្ស័យ

ជាសារធាតុញៀនប្រភេទហេរ៉ូអ៊ីន,   គ្រាប់ក្រហមតូចៗ៤៦៥គ្រាប់ សង្ស័យជាសារធាតុញៀនប្រភេទថ្នាំយ៉ាម៉ា  និងក្រាមពណ៌សថ្លា ១កញ្ចប់តូច។ 

ក្រោយពីការត្រួតពិនិត្យរួចរាល់សមត្ថកិច្ចប៉ុស្តិ៍ច្រកត្រពាំងគ្រៀលក៏បានបន្តនីតិវិធី សហការជាមួយនគរបាលជំនាញនៃការិយាល័យប្រឆាំងគ្រឿងញៀន នៃស្នងការនគរបាលខេត្តស្ទឹងត្រែង អនុវត្តនីតិវិធីបន្ត។

ទាក់ទិនចំនួនសរុបប៉ុន្មាននោះនៅមិនទាន់ដឹងពិតប្រាកដនៅឡើយទេដោយរង់ចាំបន្តនីតិវិធីធ្វើតេស្តរក សារធាតុញៀននិងថ្លឹងទម្ងន់សុទ្ធ៕

ដោយ ៖  អ៊ុល គឹមលាង