ភ្នំពេញ៖ កាលពីរសៀលថ្ងៃទី០៣ ខែកញ្ញា ឆ្នាំ២០២៤ គណៈបញ្ជាការឯកភាពរដ្ឋបាលខណ្ឌសែនសុខ ដឹកនាំដោយ លោក សាំង សុភ:វិចិត្រ អភិបាលរងខណ្ឌ បានដឹកនាំកម្លាំងចុះបង្រ្កាបទីតាំងល្បែងស៊ីសងឡូតូ (អនឡាញ) ខុសច្បាប់ បានចំនួន០២ទីតាំងដូចខាងក្រោម៖
១-តាបបុកបីយ៊ែរ ស្ថិតនៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង (ឡូតូ ៨៨៨៨) និង (Game Yuki)
២-ហាងកាហ្វេ ស្ថិតនៅផ្ទះមួយកន្លែង ផ្លូវបេតុង ភូមិត្រពាំងស្វាយ សង្កាត់គោកឃ្លាង (ឡូតូ ៨៨៨៨)
ជាលទ្ធផលបានធ្វើការដកហូតវត្ថុតាងរួមមាន៖
-កុំព្យូរទ័រ laptop ចំនួន ២គ្រឿង
-កុំព្យូរទ័រ desktop ចំនួន ១គ្រឿង
-ដុំ Wifi ចំនួន ១គ្រឿង
-ព្រីភ្លើង ចំនួន ១ដុំ
បច្ចុប្បន្នបានបញ្ជូនទៅអធិការដ្ឋាននគរបាលខណ្ឌសែនសុខ ដើម្បីរក្សាទុក និងធ្វើការស្រាវជ្រាវបន្ត ។
