គាស់ផ្ទះលួចយកម៉ូតូ៣គ្រឿង ជនសង្ស័យ រាសីធ្លាក់ ត្រូវចាប់បាន ខណៈ៣នាក់ទៀតរត់គេចខ្លួនបាត់…!

ភ្នំពេញ៖ សមត្ថកិច្ច សហការស្រាវជ្រាវឃាត់ខ្លួនជនសង្ស័យ ម្នាក់ឈ្មោះ ចាន់ សុធា ភេទប្រុសអាយុ 37 ឆ្នាំជនជាតិខ្មែរទីលំនៅស្នាក់នៅផ្ទះលេខ 1070 អាផ្លូវលំភូមិទ្រាសង្កាត់ស្ទឹងមានជ័យ រាជធានីភ្នំពេញ។ពីបទលួចមានស្ថានទម្ងន់ទោស (គាស់ផ្ទះលួចយកម៉ូតូ៣គ្រឿង)កើតហេតុនៅផ្ទះជួលផ្លូវបេតុងភូមិអរគីដេសង្កាត់អូរបែក ខណ្ឌសែនសុខរាជធានីភ្នំពេញ។ប្រព្រឹត្តកាលពីថ្ងៃទី 10 ខែកក្កដាឆ្នាំ 2024។។

សម្ភារៈបាត់បង់ម៉ូតូចំនួន០៣គ្រឿងរួមមាន
១.ម៉ូតូម៉ាកហុងដាប៊ីតស៊េរីឆ្នាំ 2021ពណ៌ក្រហម ពាក់ផ្លាកលេខកំពត ៤៣៧០។
២.ម៉ូតូម៉ាកហុងដាប៊ីតស៊េរីឆ្នាំ 2022ពាក់ផ្លាកលេខ1KD1178។
៣.ម៉ូតូហុងដាម៉ាកប៊ិះពណ៌ខ្មៅស៊េរីឆ្នាំ 2023ពាក់ផ្លាកលេខកំពង់ចាម1AB3091។

ជនសង្ស័យ៤នាក់ (ឃាត់ខ្លួនបាន១នាក់គេចខ្លួន៣នាក់) ដកហូតបានម៉ូតូជិះធ្វើសកម្មភាពម៉ាកសេ 125 ពណ៌ខ្មៅផ្លាកលេខភ្នំពេញ BY 50-68
ចំនួន១គ្រឿង ។

បច្ចុប្បន្នជនសង្ស័យនិងមធ្យោបាយធ្វើសកម្មភាពខាងលើ កំពុងឃាត់ខ្លួនជាបណ្ដោះអាសន្ន នៅការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ ។

ក្រោយធ្វើកំណត់ហេតុស្តាប់ចម្លើយជនសង្ស័យបានសាររូបភាពថាខ្លួននិងបក្សពួក៣នាក់ទៀតពិតជាបានធ្វើសកម្មភាពលួចម៉ូតូចំនួន 3 គ្រឿងខាងលើពិតប្រាកដមែន ក្រោយលួចបានម៉ូតូទាំងបីគ្រឿងខាងលើបក្សពួកខ្លួនយកទៅលក់ចំណែកខ្លួនបានប្រាក់៧០ម៉ឺនរៀល។

រហូតដល់ថ្ងៃទី ១៣ នៅពេលដែលខ្លួនកំពុងស្នាក់នៅផ្ទះក៏ត្រូវបានសមត្ថកិច្ចនាំខ្លួនមកកាន់ស្នងការដ្ឋាននគរបាលរាជធានីភ្នំពេញតែម្ដង។

បច្ចុប្បន្នជនសង្សយ័កំពង់ឃាត់ខ្លួននៅការិយាលយ័នគរបាលព្រហ្មកំរិតធ្ងន់ដើម្បីចាត់ការបន្តតាមនីវិធី ។