ចៅហ្វាយខេត្តកំពង់ស្ពឺ ថ្មី ៖ បញ្ជាអោយ អធិការដ្ឋាននគរបាលក្រុង ស្រុក ទាំង៩ ម្ចាស់ការ លើកិច្ចការបង្រ្កាប បទល្មើសល្បែងស៊ីសងគ្រប់ប្រភេទ!
កំពង់ស្ពឺ ៖ ដោយអនុវត្ដតាមការចង្អុលណែនាំផ្ទាល់ពី លោក ជាម ច័ន្ទសោភ័ណ្ឌ អភិបាលខេត្តកំពង់ស្ពឺ លោក ឃឹម សុកខៃ ស្នងការនគរបាលខេត្តកំពង់ស្ពឺ បានបញ្ជាអោយនគរបាលមូលដ្ឋាន ពិសេស អធិការដ្ឋាននគរបាលក្រុង ស្រុក ទាំង៩ ត្រូវម្ចាស់ការ លេីកិច្ចការបង្រ្កាប បទល្មើសល្បែងស៊ីសងគ្រប់ប្រភេទ ទាំងអនឡាញ និងល្បែងមិនអនឡាញ ។
ជាក់ស្ដែង កំលាំងនគរបាល អធិការដ្ឋាននគរបាលស្រុកភ្នំស្រួច ដឹកនាំដោយលោកវរសេនីយ៍ទោ ពៅ នឿន អធិការស្ដីទី បានចុះទៅកាន់គោលដៅដែលសារព័ត៌មានបានចុះផ្សាយថាមានការលួចបេីកអោយមានការលេងល្បែងអនឡាញមាន់ជល់តាមកញ្ចក់ទូរទស្សន៍ នៅចំណុចផ្ទះរបស់ឈ្មោះ គង់ ពុទ្ធាវត្តី ភេទស្រី អាយុ ៣៧ឆ្នាំ រស់នៅភូមិព្រៃឈើទាល ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ។
ជាលទ្ធផលសមត្ថកិច្ចពុំមានឃេីញវត្ថុតាងឬសម្ភារៈដែលអាចប្រព្រឹត្ដបទល្មេីសល្បែងស៊ីសងដូចការចុះផ្សាយនោះឡេីយ ក្រោយពិនិត្យសមត្ថកិច្ចបានសំណូមពរឱ្យម្ចាស់ផ្ទះមិនត្រូវជួលផ្ទះឬផ្ដល់ទីតាំងអោយគេបេីកលេងល្បែងខុសច្បាប់ជាដាច់ខាត ក្នុងករណីរកឃើញថាមានការអនុញ្ញាតឬផ្ដល់ទីតាំង ត្រូវទទួលខុសត្រូវទាំងស្រុងចំពោះមុខច្បាប់៕
