ស្នងការនគរបាលខេត្តកំពង់ស្ពឺ អំពាវនាវ អោយ បុគ្គលជាម្ចាស់រថយន្ដ និងជាអ្នកបេីកបររថយន្ដដឹកកម្មករ កម្មការិនី ដែលបានបង្កគ្រោះថ្នាក់ ចូលខ្លួនទទួលខុសត្រូវ
សេចក្តីប្រកាសព័ត៌មាន របស់ ស្នងការដ្ឋាននគរបាលខេត្តកំពង់ស្ពឺ ចំពោះបុគ្គលជាម្ចាស់រថយន្ដ និងជាអ្នកបេីកបររថយន្ដដឹកកម្មករ កម្មការិនី ដែលបានបង្កគ្រោះថ្នាក់កាលថ្ងៃទី២៥ ខែមិថុនា ឆ្នាំ២០២៤ វេលាម៉ោង៦ និង២៥នាទី លើផ្លូវជាតិលេខ៤ (៣៥-៣៦) ចំណុចភូមិព្រៃផ្ដៅ ឃុំត្រពាំងគង ស្រុកសំរោងទង ដោយកត្តាឆ្វេសប្រហែស និងជាការទទួលខុសត្រូវទាំងស្រុងចំពោះអ្នកដំណេីរដែលជាអ្នកជិះរថយន្ដរក្សាកម្រៃសេវាឈ្នួលរបស់ខ្លួនជ្រាបថា ៖ ដោយបានពិនិត្យនិងបានវាស់វែងស្រាវជ្រាវលេីលក្ខណៈបច្ចេកទេសយានយន្ដក្នុងពេលបង្កគ្រោះថ្នាក់ ជំនាញចរាចរណ៍កំណត់បានថា គ្រោះថ្នាក់ចរាចរណ៍ខាងលេី គឺបណ្ដាលមកពីកត្ដាឆ្វេសប្រហែសរបស់អ្នកប្រើប្រាស់យាន ដូច្នេះ សូមបុគ្គល ដែលមានឈ្មោះ តន សុខទីន ( TON SOKTIN ) អត្ដសញ្ញាណប័ណ្ណលេខ 031012772 នៅភូមិបន្ទាយខ្មែរ ឃុំជេីងរាស់ ស្រុកសាមគ្គីមុនីជ័យ ខេត្តកំពង់ស្ពឺ ចេញមុខមកទទួលខុសត្រូវ លេីការផ្ដល់សំណង រ៉ាប់រងថ្លៃព្យាបាលជម្ងឺ និងផ្លូវច្បាប់។
ករណីនេះ មិនចេញមុខមក សមត្ថកិច្ច និងបន្ដនីតិវិធី អនុវត្តតាមផ្លូវតុលាការ៕
