ស្រុកខ្សាច់កណ្តាល ៖ នាព្រឹកថ្ងៃអង្គារ ៥កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤ លោក អែតដា ដូរ៉ាមី អភិបាលរងស្រុក តំណាងលោក ចេង ឌីណា ប្រធានគណ:បញ្ជាការឯកភាំពស្រុក បានដឹកនាំគណៈបញ្ជាការឯកភាព និងអាជ្ញាធរភូមិ ឃុំ រួមជាមួយនាយកវិទ្យាល័យ ហ៊ុន សែន ខ្សាច់កណ្ឌាល ចុះត្រួតពិនិត្យ ធ្វើការអប់រំ ណែនាំដល់សិស្សានុសិស្ស ស្ដីពីច្បាប់ចរាចរណ៍ផ្លូវគោក ការពាក់មួកសុវត្ថិភាព និងការប្រេីប្រាស់បារីអេឡិចត្រូនិចខុសច្បាប់ នៅចំណុចមុខវិទ្យាល័យ ហ៊ុនសែន រ៉ូតាខ្សាច់កណ្ដាល នៅភូមិសន្លុង ឃុំសន្លុង ស្រុកខ្សាច់កណ្ដាល ។
ក្នុងនោះ អាជ្ញាធរ បានធ្វេីការបានណែនាំទៅអាជីវករលក់ដូរក្បែរបរិវេណវិទ្យាល័យ ដែលទទួលផ្ញេីម៉ូតូសិសានុសិស្សនៅទីនោះ មកធ្វេីកិច្ចសន្យាបញ្ឈប់ទទួលផ្ញេីម៉តូចាប់ពីថ្ងៃធ្វេីកិច្ចសន្យានេះតទៅ ដើម្បីបំបាត់ភាពអាណាធិបតេយ្យ និងគេចសាលារបស់សិស្ស។
គណៈបញ្ជាការឯកភាពស្រុក នឹងបន្តរឹតបន្តឹងការអនុវត្តតាមច្បាប់ចរចរាណ៍ផ្លូវគោក ដោយមានការផាកពិន័យទៅតាមច្បាប់។
