ស្ងាត់ៗ ល្បែងអនឡាញខុសច្បាប់ លួចបើកវិញ នៅខណ្ឌសែនសុខ តែ អភិបាលខណ្ឌ មិន…..!

ភ្នំពេញ៖ មួយរយៈចុងក្រោយនេះ គេសង្កេតឃើញ ក្នុងភូមិសាស្ត្រ ខណ្ឌសែនសុខ មានការលួចបើកឡើងវិញ នូវទីតាំង ល្បែងស៊ីសង អនឡញខុសច្បាប់ ច្រើនទីតាំង តែលោកអភិបាលខណ្ឌ ក៍មិនបណ្តែតបណ្តោយដែរ គឺបញ្ជាកម្លាំងអោយចុះបង្ក្រាបជាហូរហែរ ជាក់ស្តែង កាលពីថ្ងៃទី៣១ ខែឧសភា ឆ្នាំ២០២៤ គណៈបញ្ជាការឯកភាពរដ្ឋបាលខណ្ឌសែនសុខ ដឹកនាំដោយ លោក សាំង សុភ:វិចិត្រ និងលោក ញាណ ចន្ថាវារ៉ា អភិបាលរងខណ្ឌសែនសុខ បានដឹកនាំកម្លាំងចុះបង្រ្កាបទីតាំងល្បែងឡូតូ (អនឡាញ) និងមាន់ជល់ (អនឡាញ) បានចំនួន០៣ទីតាំងបន្ថែមទៀតរូមមាន៖

១- បន្ទប់ជួលស្ថិតនៅផ្លូវបេតុង ភូមិត្រពាំងស្វាយ សង្កាត់គោកឃ្លាង

២-តារាងបាល់ទះ យីហោ ១៦៨ ស្ថិតនៅផ្លូវលំ ភូមិត្រពាំងស្វាយ សង្កាត់គោកឃ្លាង ។

៣-ហាងកាហ្វេ ស្ថិតនៅផ្លូវបេតុងសាលាត្រពាំងស្វាយ ភូមិត្រពាំងស្វាយ សង្កាត់គោកឃ្លាង។

ជាលទ្ធផលបានធ្វើការដកហូត​ កុំព្យូរទ័រ ចំនួន ៥គ្រឿង​ -ព្រីភ្លើង ចំនួន ៣ដុំ​ -តុ ចំនួន ៣​ និងធ្វើការឃាត់ខ្លួនមនុស្សចំនួនសរុប ៧នាក់ (ស្រី ៣នាក់) ក្នុងនោះមានបុគ្គលិកឡូតូ ចំនួន ២នាក់ (ស្រី) បុគ្គលិកមាន់ជល់អនឡាញ ចំនួន ១នាក់ (ស្រី) ម្ចាស់ទីតាំង ចំនួន ៣នាក់ (ប្រុស) និងអ្នកលេងឡូតូ ចំនួន ១នាក់ (ប្រុស) បញ្ជូនទៅអធិការដ្ឋាននគរបាលខណ្ឌសែនសុខ ដើម្បីធ្វើការសាកសួរ និងស្រាវជ្រាវបន្ត ។