ខេត្តកោះកុង៖ នៅរសៀល ថ្ងៃសៅរ៍ ទី០១ ខែមិថុនា ឆ្នាំ២០២៤ កម្លាំងកងរាជអាវុធហត្ថខេត្តកោះកុងចំនួន៤នាក់ បានចុះសហការជាមួយមន្រ្តី សាខាគយ និងរដ្ឋាករខេត្តកោះកុង ឃាត់ចាប់បានរថយន្តចំនួន ០១ គ្រឿង នៅចំណុចតាមវិថីសាយភូថង ស្ថិតក្នុងភូមិជីត្រេះ ឃុំអណ្តូងទឹក ស្រុកបូទុមសាគរ ខេត្តកោះកុង ៖
1- រថយន្តម៉ាក Isuzu MU-X ឆ្នាំ2014 កំលាំង 3000 cc ពណ៌ស+ខ្មៅ ចង្កូតស្តាំ ពុំមានឯកសារពន្ធអាករនាំចូល។
-ពាក់ស្លាកលេខខេមរភូមិន្ទ 2-2717
-ពុំមានបិទលតាបត្រ
បច្ចុប្បន្នរថយន្តខាងលើបាននាំមករក្សាទុកជាបណ្តោះអាសន្ននៅសាខាគយនិងរដ្ឋាករខេត្តកោះកុង ដោយបានធ្វើកំណត់ហេតុល្មើសច្បាប់គយតាមនីតិវិធីច្បាប់ជាធរមាន។
