ក្រសួងយុត្តិធម៌ បានចេញលិខិតអន្តរាគមន៍ទៅសាលារាជធានីភ្នំពេញឱ្យពិនិត្យ និងចាត់វិធានការបើកផ្លូវសាធារណៈដែលបានបិទ នៅចំណុចផ្លូវ១៤៤ (ផ្លូវឌឿងហែម)
ភ្នំពេញ៖ ក្រសួងយុត្តិធម៌ បានចេញលិខិតអន្តរាគមន៍ទៅសាលារាជធានីភ្នំពេញឱ្យពិនិត្យ និងចាត់វិធានការបើកផ្លូវសាធារណៈដែលបានបិទ នៅចំណុចផ្លូវ១៤៤ (ផ្លូវឌឿងហែម) ក្រុម៤៨ ភូមិ៦ សង្កាត់ ផ្សារកណ្តាលទី១ ខណ្ឌដូនពេញ រាជធានីភ្នំពេញ ដើម្បីប្រើប្រាស់ជាប្រយោជន៍សាធារណៈឡើងវិញ ព្រោះរកឃើញថាលោកស្រី ទី សុកលាង និងក្រុមគ្រួសារ កាន់កាប់ដីច្រកផ្លូវដើរសាធារណៈនេះ ដោយរំលោភលើផ្លូវសាធារណៈរបស់រដ្ឋ និងមិនមានការអនុញ្ញាតពីអាជ្ញាធរមានសមត្ថកិច្ចឡើយ។
ការអន្តរាគមន៍ខាងលើ បន្ទាប់ពីក្រសួងយុត្តិធម៌បានពិនិត្យទៅលើភស្តុតាង ការអះអាងរបស់ភាគី និងមូលដ្ឋានច្បាប់ភូមិបាល ឆ្នាំ២០០១ ត្រង់មាត្រា១៩ មាត្រា៤៣ និងច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរដ្ឋ ឆ្នាំ២០២០ ត្រង់មាត្រា៧៣។
