ខ្យល់កន្ត្រាក់ បំផ្លាញលំនៅដ្ឋាន ប្រជាពលរដ្ឋ និង រន្ទះបាញ់ ផ្តាច់ជីវិតក្មេងស្រីម្នាក់ ក្នុងស្រុកមោងឫស្សី

បាត់ដំបង៖ ភ្លៀងមួយមេធំ លាយឡំ ដោយខ្យល់កន្ត្រាក់ បណ្តាលអោយខូចខាតផ្ទះ ប្រជាពលរដ្ឋចំនួន៣ខ្នង និង រន្ទះបាញ់ក្មេងស្រីម្នាក់យ៉ាងអាណោចអាធ័ម។

គ្រោះធម្មជាតិនេះបានកើតឡើងកាលពីវេលាម៉ោង ៣ ល្ងាច ថ្ងៃទី១៨ ខែ ឧសភា ឆ្នាំ២០២៤ ទៅលើពីរឃុំផ្សេងគ្នា ក្នុងស្រុកមោងឫស្សី ខេត្តបាត់ដំបង។

ទីតាំងទី១-នៅឃុំមោង ស្រុកមោងឫស្សី ខេត្តបាត់ដំបង ដួលរលំ ខូចខាតផ្ទះប្រជាពលរដ្ឋចំនួន៣ខ្នង និង ប៉ើងដំបូល ស័ង្កសី អស់ជាច្រើនសន្លឹក។

ទីតាំងទី២-នៅឃុំរបស់មង្គល ស្រុកមោងឫស្សី ខេត្តបាត់ដំបង រន្ទះបាញ់ក្មេងស្រីម្នាក់ ឈ្មោះ សុគន្ធ នីសា ភេទស្រី អាយុ អាយុ ១៣ឆ្នាំ កំពុង ជ្រកភៀងក្រោមផ្ទះ បណ្តាលអោយស្លាប់ភ្លាមៗនៅនឹងកន្លែងកើតហេតុ។

បច្ចុប្បន្ន អាជ្ញាធរ និង សមត្ថកិច្ចមូលដ្ឋាន បានប្រកាស អាសន្ន ដល់បង  ប្អូនប្រជាពលរដ្ឋ ដែលរស់នៅក្នុងតំបន់នោះ ត្រូវបងង្កើន ការប្រុងប្រយ័ត្នអោយបានខ្ពស់បំផុត ជៀសវាង កុំមានគ្រោះថ្នាក់ជាយថាហេតុ៕ ដោយ សុខ កុសល