មេប៉ូលិសខណ្ឌពោធិ៍សែនជ័យ បញ្ជាអោយឃាត់រថយន្ត១គ្រឿង ដឹកជនសង្ស័យ ក្លែងជាសង្ឃ ១១នាក់ កំពុងដើរបិណ្ឌបាត តាមផ្ទះពលរដ្ឋ….!
ភ្នំពេញ៖ កាលព្រឹកថ្ងៃទី ១៩ ខែ ឧសភា ឆ្នាំ ២០២៤ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ ក្រោមការចង្អុលបង្ហាញពី ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានដឹកនាំកម្លាំងចុះល្បាតពួនស្ទាក់ ដេីម្បីបង្ការបង្ក្រាបបទល្មើស ឆក់ ប្លន់ លួច ក្មេងទំនើង នានា ក្នុងមូលដ្ឋានស្របពេលនោះក៏ប្រទះឃើញលោក សង្ឃក្លែងក្លាយចំនួន០១១នាក់ និងអ្នកបេីកបររថយន្ត០១នាក់ ដែលបន្លំខ្លួនជាព្រះសង្ឃនិមន្តបិណ្ឌបាតតាមផ្ទះប្រជាពលរដ្ឋក្នុងខណ្ឌពោធិ៍សែនជ័យ។ ខណៈនោះលោក អធិការ បានបញ្ជាអោយនាំខ្លួនយកមកសួរនាំព្រមទាំងដកហូតវត្ថុតាំងរួមមាន : រថយន្តចំនួន០១គ្រឿង,បាតសំរាប់ដាក់បាយចំនួន០៤គ្រឿង, ម្សៅសក្រាមថ្លាសង្ស័យជាសារធាតុញៀនចំនួន១បំពង់ទុយយោ, ស្បង់ជីវមួយចំនួន និងសំភារៈមួយចំនួនទៀត។
បច្ចុប្បន្នជនសង្ស័យត្រូវកម្លាំងនគរបាលនៃអធិការដ្ឋាននគរបាលខណ្ឌពោធិ៍សែនជ័យឃាត់ខ្លួនដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕
