ខេត្តបាត់ដំបង ៖ នៅថ្ងៃទី០៣ ខែមេសា ឆ្នាំ២០២៤ វេលាម៉ោង១៧ និង០០នាទី កម្លាំងជំនាញផ្នែកព្រហ្មទណ្ឌ នៃអធិការដ្ឋាននគរបាលស្រុកសង្កែ ដឹកនាំដោយលោកវរសេនីយ៍ទោ យុត តុងហូ អធិការនគរបាលស្រុកសង្កែ បានចុះបង្រ្កាបករណីលេងល្បែងស៊ីសងដោយខុសច្បាប់ (ល្បែងអនឡាញ) ០១លើក នៅចំណុចក្រុមទី០៩ ភូមិឈូងត្រដក់ ឃុំរកា ស្រុកសង្កែ ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនមនុស្សបានចំនួន ០៤នាក់ ៖
១-ឈ្មោះ រស់ សេរី ភេទស្រី អាយុ៣១ឆ្នាំ មានទីលំនៅភូមិឈូងត្រដក់ ឃុំរកា ស្រុកសង្កែ ខេត្តបាត់ដំបង (បុគ្គលិកលេងអនឡាញ)។
២-ឈ្មោះ ថាន់ ធឿន ភេទស្រី អាយុ៣៧ឆ្នាំ មានទីលំនៅភូមិឈូងត្រដក់ ឃុំរកា ស្រុកសង្កែ ខេត្តបាត់ដំបង (ម្ចាស់ទីតាំង)។
៣-ឈ្មោះ ហុម វ៉ាន ភេទស្រី អាយុ៤២ឆ្នាំ មានទីលំនៅភូមិឈូងត្រដក់ ឃុំរកា ស្រុកសង្កែ ខេត្តបាត់ដំបង (អ្នកលេង) និង០៤-ឈ្មោះ ភួន ជន ភេទស្រី អាយុ៤៦ឆ្នាំ មានទីលំនៅភូមិពោធិ៍បាត់ដំបង ឃុំរកា ស្រុកសង្កែ ខេត្តបាត់ដំបង (អ្នកលេង)។
វត្ថុតាងដកហូតរួមមាន ៖
-កំព្យូទ័រចំនួន ០១គ្រឿង
-ទូរស័ព្ទដៃចំនួន ០២គ្រឿង
-ម៉ូតូចំនួន ០១គ្រឿង
-ប្រាក់ខ្មែរចំនួន ៩៥០០០០រៀល (ប្រាំបួនសែនប្រាំម៉ឺនរៀលគត់) ។
បច្ចុប្បន្ន កម្លាំងអធិការដ្ឋាននគរបាលស្រុកសង្កែកំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕
