ហាង ស្នុកឃ័រ យីហោ K Snook បន្ត បើក ល្បែងស៊ីសង ចាក់បាល់ និង ឡូតូ
ភ្នំពេញ ៖ ប្រភព រាយការណ៍មកថា ទីតាំង ហាងស្នុកឃ័រ យីហោ K Snook ដែរលមានទីតាំងនៅក្បែរស្តុបឬក៏ផ្អែម ស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កំពុងបើកល្បែងស៊ីសងខុសច្បាប់ ដូចជាចាក់បាល់ ឡូតូ ជាដើម។
ប្រភពច្បាស់ការណ៍មួយបានអះអាងថា ទីតាំងនេះបេីកដំណើរការយូណាស់មកហើយ បេីទោះបីជាបច្ចុប្បន្ន មានការរិតបណ្ដឹង និងមានការណែនាំពី សម្ដេចមហាបវរតិបតី នាយករដ្ឋមន្ត្រីនៃកម្ពុជា ឲ្យធ្វើយ៉ាងណាត្រូវបង្រ្កាបពាក់ព័ន្ធករណីល្បែងស៊ីសងនេះ ដេីម្បីពង្រឹងនូវគោលនយោបាយ ភូមិ ឃុំ/សង្កាត់ មានសុវត្ថិភាព ទាំង៧ ចំណុច ជូនប្រជាពលរដ្ឋ។
តែទោះបីបីជាយ៉ាងណា ទីតាំងស្នុកឃ័រ យីហោ K Snook នៅតែបន្តបើកល្បែងដោយមិនញញើតទៅនឹងប្រសាសន៍ថ្នាក់ដឹកនាំ ខណៈមេល្បែងរូបនោះអំនួតថា គ្មានសមត្ថកិច្ចនាចុះបង្ក្រាប ឡើយ។
តើ សមត្ថកិច្ច និង អាជ្ញាធរ សង្កាត់ ខណ្ឌ មិនហ៊ាន បង្ក្រាបទីតាំង ស្នុកឃ័រ យីហោ K Snook ឬ ទាល់តែចាំ លោក ឃួង ស្រេង អភិបាលក្រុងភ្នំពេញ និង លោក ជួន ណារិន្ទ ស្នងការក្រុងភ្នំពេញ ចេញបញ្ជាសិន ?
