មុខសញ្ញាជនសង្ស័យជំនាញខាងជិះម៉ូតូឆក់ទូរស័ព្ទ ខ្សែករ និងកាប់គ្នាយ៉ាងសកម្មភាពពេលរាត្រី នៅក្រុងប៉ោយប៉ែត ត្រូវនគរបាលឃាត់ខ្លួនបញ្ជូនទៅតុលាការហើយ

ក្រោយពីទទួលបានបណ្តឹងពីប្រជាពលរដ្ឋរងគ្រោះជាច្រើននាក់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានដាក់ចេញបទបញ្ជាដល់លោកឧត្តមសេនីយ៍ត្រី នូ ជីវ័ន្ត ស្នងការរង ផែនការងារព្រហ្មទណ្ឌ លោកវរសេនីយ៍ឯក ភឿន ម៉ាន់សឹង្ហ នាយការិយាល័យនគរបាលព្រហ្មទណ្ឌកម្រិតធ្ងន់ លោកវរសេនីយ៍ទោ ព្រហ្ម ពិសិដ្ឋ អធិការរងនៃអធិការដ្ឋាននគរបាលក្រុងប៉ោយប៉ែត ដឹកនាំកម្លាំងនគរបាលជាច្រើននាក់ ចស្រាវជ្រាវ និងបានឃាត់ខ្លួនមុខសញ្ញាជនសង្ស័យនិងបក្ខពួកបានសម្រេច។

ជនសង្ស័យមានឈ្មោះ ១-ជនសង្ស័យឈ្មោះថោង ហាង ភេទប្រុស អាយុ១៦ឆ្នាំ មុខរបរកម្មករ ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ (អ្នកជិះពីក្រោយឆក់ទូរស័ព្ទ) ។

២-ជនសង្ស័យឈ្មោះសុង រាជ ភេទប្រុស អាយុ១៦ឆ្នាំ មុខរបរ (សុងបាយ) ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ(អ្នកបើកម៉ូតូ) និង ដកហូតបានវត្ថុតាងព្រមទាំងម៉ូតូចំនួន០១គ្រឿង ម៉ាក់HONDA DREAM សេរីឆ្នាំ២០១៧ គ្មានស្លាកលេខ ពណ៌ខ្មៅ លេខតួ/លេខម៉ាស៊ីន 9825705 នៅចំណុចមុខសាលារៀនព្រហ្មនិមិ្មត ស្ថិតក្នុងក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

នៅថ្ងៃទី២៧ ខែកុម្ភៈ ឆ្នាំ២០២៤នេះ នៅចំពោះ មុខសមត្ថកិច្ចសួរនាំ ជនសង្ស័យទាំង២នាក់ បានឆ្លើយសារភាពថា ពួកគេទៅពិតជាបានចេញធ្វើសកម្មភាព ជិះម៉ូតូ ទៅឆក់ការបូបលុយ ទូរស័ព្ទ គ្រឿងអល័ង្គការ វត្ថុមានតម្លៃ ពីប្រជាពលរដ្ឋពិតប្រាកដមែន កាលពីថ្ងៃទី២៤,២៥,២៦ ខែកុម្ភៈ ឆ្នាំ២០២៤កន្លងទៅ។ភាគច្រើនគេជិះម៉ូតូឌុបគ្នា ប្រដាប់ដោយកាំបិតខ្វែវ ចេញឆក់នៅម្តុំលើផ្លូវ មុខភោជនីយដ្ឋាននាគទិព្វ ,ផ្លូវKTV Fplus,ផ្លូវដើមពុទ្ទ្រា, ផ្លូវវត្តត្រាច, ផ្លូវ,ផ្លូវជិតហាងនំប៉័ង កៅ កៃ, ផ្លូវផ្សាររ៉ាចាស់ និងលើផ្លូវជាតិលេខ៥។ក្រៅពីឆក់ទ្រព្យសម្បត្តិរបស់ប្រជាពលរដ្ឋ បើមានជនណារារាំងពួកជនសង្ស័យតែងតែប្រើហឹង្សាឬយកកាំបិតដេញកាប់ដោយគ្មានញញើតដៃឡើយ។

សូមបញ្ជាក់ថា ជនសង្ស័យទាំង២នាក់គឺជាមុខសញ្ញាចាស់ដែលសមត្ថកិច្ចស្វែងរកចាប់ខ្លួន

១-ជនសង្ស័យឈ្មោះថោង ហាំងភេទប្រុស អាយុ១៦ឆ្នាំ ធ្លាប់ជាប់ពន្ធនាគា ចំនួន១ឆ្នាំកន្លះ ទោសសរុប៣ឆ្នាំ ពីករណីឆក់ទូរស័ព្ទ ចាប់ពីថ្ងៃទី០៦ ខែកុម្ភៈ ឆ្នាំ២០២២ រហូតដល់ថ្ងៃទី១២ ខែសីហា ឆ្នាំ២០២៣ ។

២-ជនសង្ស័យឈ្មោះសុង រាជ ភេទប្រុស អាយុ១៦ឆ្នាំ ធ្លាប់ជាប់មណ្ឌលចំនួន ១ឆ្នាំ ២ខែ ម្តាយយកទៅដាក់ ពីឆ្នាំ២០១៩ ដល់ឆ្នាំ២០២១ ។

បច្ចុប្បន្នជនសង្ស័យត្រូវបាននគរបាលឃាត់ខ្លួនបណ្តោះអាសន្នដើម្បីសួរនាំ និងកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី៕