បាត់ដំបង៖ ម៉ូតូពីរគ្រឿង បើកបរក្នុងទិសដៅ ពីលិចទៅកើត ស្របទិសគ្នា លុះមកដល់ជិតរង្វង់មូលរូបសំណាក លោកយាយទេព ស្រាប់តែបុកគ្នាពេញទំហឹង បណ្តាលអោយជនរងគ្រោះ វ័យចំណាស់ម្នាក់ ស្លាប់បាត់បង់ជីវិត ក្រោយពេលបញ្ជូនទៅដល់មន្ទីរពេទ្យ ចំណែកជនរងគ្រោះ ភាគីម្ខាងទៀត ជាសិស្សសាលា រងរបួសធ្ងន់។
ហេតុកាណ៍នេះបានកើតឡើង កាលពីវេលាម៉ោង៧និង២០នាទីព្រឹក ថ្ងៃទី២១ ខែគុម្ភៈ ឆ្នាំ២០២៤ ស្ថិតនៅតាមបណ្តោយផ្លូវជាតិលេខ៥ ចំណុចភូមិ អណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង។
ក្រោយពេលពេលកើតហេតុភ្លាមៗនោះ កម្លាំង នគរបាល ប៉ុស្តិ៍នគរបាលរដ្ឋបាលសង្កាត់អូរចារ បានចុះទៅដល់ទីតាំងកើតហេតុ ដើម្បីជួយសង្គ្រោះជួយបញ្ជូនជនរងគ្រោះទៅមន្ទីរពេទ្យនិង សម្រួលចរាចរណ៍ ជូនប្រជាពលរដ្ឋ ដែលកំពុងធ្វើដំណើរតាមដងផ្លូវ កុំអោយមានការកកស្ទ្ផងដែរ។
ជនរងគ្រោះទី១-ឈ្មោះ ប៉ង់ ប៉ុក ភេទប្រុស អាយុ៧០ឆ្នាំ មានទីលំនៅក្នុងភូមិអណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង ជិះម៉ូតូម៉ាក វេវ ពណ៌ខ្មៅ ពាក់ស្លាកលេខ បាត់ដំបង 1AQ-0773 (ស្លាប់ក្រោយពេលបញ្ជូលទៅដល់មន្ទីរពេទ្យ)។
មានទីលំនៅក្នុងភូមិអណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង ។
រីឯជនរងគ្រោះទី២-ជាសិស្សសាលា មិនស្គាល់(អត្តសញ្ញាណ)ជិះម៉ូតូម៉ាក ឃ្លិក ពណ៌ស ពាក់ស្លាកលេខ បាត់ដំបង 1AR-4144 រងរបួសធ្ងន់។
បន្ទាប់មកសមត្ថកិច្ចចរាចរណ៍ នៃស្នងការដ្ឋាននគរបាលខេត្តបាត់ដំបង បានចុះទៅធ្វើការវាស់វែង រួចហើយ ដឹកម៉ូតូ ជនរងគ្រោះទាំងពីរគ្រឿងនោះ យកទៅរក្សាទុកបណ្តោះអាសន្ននៅការិយាល័យ ចរាចរណ៍ផ្លូវគោក ធ្វើកំណត់ហេតុនិង រៀបចំសំណុំរឿង ដើម្បីដោះស្រាយជូនជនរងគ្រោះទៅតាមនិតិវិធី នៅពេលក្រោយ៕ ដោយ ៖ សុខ កុសល
