ស្ទឹងត្រែង៖ សមត្ថកិច្ច បញ្ជាក់ថា កាលពី ថ្ងៃចន្ទ ៣កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែកុម្ភៈ ឆ្នាំ២០២៤ កម្លាំងជំនាញការិយាល័យនគរបាលប្រឆាំងបទល្មើសសេដ្ឋកិច្ច បានធ្វើការបង្រ្កាប ករណី ដឹកជញ្ជូនផលអនុផលព្រៃឈើដោយខុសច្បាប់ (វល្ល៍រមៀត) នៅចំណុចផ្លូវបំបែកព្រំដែន ស្ថិតនៅភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង បានធ្វើការឃាត់ខ្លួនជនសង្ស័យចំនួន ០២នាក់ (ប្រុស) និងរថយន្តចំនួន ០២គ្រឿង ក្នុងនោះ៖
១.រថយន្តមួយគ្រឿងម៉ាក សាមយុង ពណ៌ស (គ្មាន ផ្លាកលេខ) ម្ចាស់រថយន្តឈ្មោះ នូ សុខុន ភេទប្រុស អាយុ ៤៦ឆ្នាំ និងព្រូសរថយន្ត ឈ្មោះ អួប ហែត ភេទប្រុស អាយុ ៣២ឆ្នាំ ជនជាតិខ្មែរ ។
២.រថយន្តម៉ាកសាមយុង ពណ៌សំបកឪឡឹក ពាក់ផ្លាកលេខ ភ្នំពេញ 2A-0559 ជនសង្ស័យបានរត់គេចខ្លួន ។
ចាប់យកវត្ថុតាង ៖ផលអនុផលព្រៃឈើ (វល្ល៍រមៀត) ចំនួន ៨០ការ៉ុង ប្រហែលស្មើនឹង ០៤តោន ។ ករណីខាងលើ កម្លាំងជំនាញកំពុងបន្តអនុវត្តតាមនីតិវិធី ។
