នារី អ្នកបកប្រែភាសាចិន និងលក់ផលិតផលតាមអនឡាញ ម្នាក់ បើកឡានទាំងស្រវឹង បង្កគ្រោះថ្នាក់…!

ភ្នំពេញ៖ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមជម្រាបជូនសាធារណជនជុំវិញករណីគ្រោះថ្នាក់ចរាចរណ៍ រវាងរថយន្តម៉ាក LEXUS NX200t និងកង់បីម៉ាកBAJAJ និងម៉ូតូម៉ាកPCX បណ្តាលឱ្យ របួ ..;ស ស្រាល០២នាក់ ក្នុងខណ្ឌដូនពេញ។

សមត្ថកិច្ច បញ្ជាក់ថា កាលពីយប់ថ្ងៃទី១០ ខែមករា ឆ្នាំ២០២៤ មានករណីគ្រោះថ្នាក់ចរាចរណ៍កើតឡើងរវាងរថយន្តម៉ាក LEXUS NX200t ពណ៌ស ផ្លាកលេខ ភ្នំពេញ 2BE-9557 ជាមួយកង់បីម៉ាកBAJAJ ពណ៌ស ផ្លាកលេខ ភ្នំពេញ 1HK-5749 និងម៉ូតូម៉ាកPCX ពណ៌ស ផ្លាកលេខ ភ្នំពេញ 1GP-3515 នៅចំណុចផ្លូវសុធារស កែងលេខ២៦៦ សង្កាត់ចតុមុខ ខណ្ឌដូនពេញ បណ្តាលឱ្យ របួ ..;ស ស្រាល០២នាក់។

មូលហេតុ គ្រោះថ្នាក់ចរាចរណ៍នេះ មកពីអ្នកបើកបរ រថយន្តចេញពីផ្លូវមានស្លាកសញ្ញាឈប់ និងបើកបរ មានជាតិអាកុល0.88mg/L។

បច្ចុប្បន្ន សមត្ថកិច្ចបានឃាត់អ្នកបើកបររថយន្ត ឈ្មោះ តាំង គីមឡា ភេទស្រី មុខរបរ បកប្រែភាសាចិន និងលក់ផលិតផលតាមអនឡាញ ទីលំនៅផ្ទះលេខ 21BEo ផ្លូវលេខ២៧៦ សង្កាត់បឹងកេងកងទី២ ខណ្ឌចំការមន ដើម្បីកសាងសំណុំរឿងចាត់ការបន្តតាមនីតិវិធី៕