លោក Diction Francaise គឺជា ជនបរទេសទី១ ដែលបានមក មជ្ឈមណ្ឌលជាតិហ្វឹកហ្វឺនកីឡាទូកក្ដោង ក្នុងតំបន់អភិវឌ្ឍន៍ទីក្រុងរណបកម្សាន្ត Bay of Lights ក្នុងខេត្តព្រះសីហនុ

ភ្នំពេញ៖ កាលពីថ្ងៃទី ៣០ ខែមករា ដល់ថ្ងៃទី ៣ ខែកុម្ភៈ ឆ្នាំ២០២៤ លោក Diction Francaise ជនជាតិបារាំងដែលបច្ចុប្បន្នរស់នៅក្នុង ស្រុកឈូក ខេត្តកំពត ព្រះរាជាណាចក្រកម្ពុជា បាននាំយកសម្ភារៈទូកក្ដោងផ្ទាល់ខ្លួនប្រភេទ Double Handle មកកាន់ មជ្ឈមណ្ឌលជាតិហ្វឹកហ្វឺនកីឡាទូកក្ដោង របស់សហព័ន្ធកីឡាទូកក្តោងកម្ពុជាក្នុង ចូលរួមហ្វឹកហាត់ លក្ខណៈកម្សាន្ត និងផ្លាស់ប្តូរបទពិសោធន៍ ជាមួយនឹងក្រុមកីឡាករ កីឡាការិនីទូកក្ដោងរបស់ របស់កម្ពុជា។ 

សូមបញ្ជាក់ផងដែរថា លោក Diction Francaise គឺជា ជនបរទេសទី១ ដែលបានមក មជ្ឈមណ្ឌលជាតិហ្វឹកហ្វឺនកីឡាទូកក្ដោង ក្នុងតំបន់អភិវឌ្ឍន៍ទីក្រុងរណបកម្សាន្ត Bay of Lights ដែលស្ថិតក្នុង ស្រុកព្រៃនប់ ខេត្តព្រះសីហនុ ដើម្បីចូលរួមហ្វឹកហាត់ និងផ្លាស់ប្តូរបទពិសោធន៍ផ្ទាល់។ 

សហព័ន្ធទូកក្ដោងកម្ពុជា សូមស្វាគមន៍ និងបើកជំហរដល់ គ្រូបង្វឹក គ្រូបច្ចេកទេស កីឡាករ កីឡាការិនី ភ្ញៀវទេសចរណ៍ជាតិ និងអន្តរជាតិទាំងអស់ដែលមានចំណាប់អារម្មណ៍ក្នុងការ អភិវឌ្ឍន៍គ្រប់រូបភាពលើវិស័យកីឡាទូកក្ដោងនៅកម្ពុជា មកកាន់មជ្ឈមណ្ឌលជាតិហ្វឹកហ្វឺនទូកក្ដោងេបស់សហពន្ធ័យើងខ្ញុំ។