ឃាត់ យានយន្តល្មើស ជាង ២០០ គ្រឿង ក្នុងយុទ្ធនាការ រឹតបន្ដឹងច្បាប់ ត្រួតពិនិត្យជាតិអាល់កុល ក្នុងភូមិសាស្ត្ររាជធានីភ្នំពេញ យប់ម៉ិញ!

ស្នងការដ្ឋាននគរបាលរាជធានីភ្នំពេញ បង្ហាញ លទ្ធផល នៃការអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ ស្នងការ

នគរបាលរាជធានីភ្នំពេញ កាល ពីយប់ថ្ងៃទី២៥ ខែមករា ឆ្នាំ២០២៤  តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖

ឃាត់យានយន្តល្មើស សរុបចំនួន ២៣៤គ្រឿង (រថយន្ត ០៥គ្រឿង, ម៉ូតូ ចំនួន២២៩គ្រឿង)

ល្មើសជាតិស្រវឹង ចំនួន២៣គ្រឿង

កម្រិត ០.២៥ ដល់ ០.៣៩ mg/L ចំនួន០៧គ្រឿង

-អ្នកបើកបរម៉ូតូ ចំនួន០៤នាក់

-អ្នកបើកបររថយន្ត ចំនួន០៣នាក់

កម្រិត ០.៤៩ mg/L ឡើង ចំនួន១៦គ្រឿង

-អ្នកបើកបរម៉ូតូ ចំនួន១៤នាក់

-អ្នកបើកបររថយន្ត ចំនួន០២នាក់

បទល្មើសផ្សេងៗ ចំនួន២១១គ្រឿង

-អត់មួកសុវត្ថិភាពចំនួន២០៤គ្រឿង

-គ្មានកញ្ចក់មើលក្រោយចំនួន០២គ្រឿង

-កែច្នៃស៊ីម៉ាំង ចំនួន០២គ្រឿង

-ម៉ូតូគ្មានផ្លាកលេខ ចំនួន០៣គ្រឿង។