ឯកឧត្តម ស្វាយ សំអ៊ាង អញ្ជើញជាអធិបតីក្នុងពិធីបុណ្យឆ្លងខ្លោងទ្វារ និងសមិទ្ធិផលនានា ក្នុងវត្តសុវណ្ណគីរីឫទ្ធីសែនជ័យ ក្នុងឃុំអូរស្វាយ ស្រុកបុរីអូរស្វាយសែនជ័យ

ឯកឧត្តម ស្វាយ សំអ៊ាង មានមតិផ្ដាំផ្ញើសួរសុខប្រជាពលរដ្ឋ និងបានលើកឡើងថា ក្រោមម្លប់នៃសុខសន្តិភាពទើបយើងអាចប្រារព្វកម្មវិធីឆ្លងសមិទ្ធិផលនៅក្នុងវត្តសុវណ្ណគីរីឫទ្ធីសែនជ័យ ហៅវត្តដុងក្រឡនេះបាន បើគ្មានសុខសន្តិភាពទេ បួកយើងក៏មិនអាចជួបជុំប្រារព្វពិធីដូចនេះបានដែរ។

ជាមួយគ្នានោះឯកឧត្តម ស្វាយ សំអ៊ាងអភិបាលខេត្តស្ទឹងត្រែង ក៏បានអំពាវនាវដល់បងប្អូនប្រជាពលរដ្ឋបន្តរួមគ្នាថែរក្សាសុខសន្តិភាពឲ្យបានគង់វង់ ដើម្បីប្រទេសជាតិបន្តការអភិវឌ្ឍន៍ទៅមុខថែមទៀត។

ពិធីបុណ្យឆ្លងខ្លោងទ្វារ និងសមិទ្ធិផលនានា និងកាត់ខ្សែបូរណ៍ដោយ ព្រះភិក្ខុចន្ទប្បជោតោ ស៊ុម វណ្ណា ព្រះចៅអធិការវត្តសុវណ្ណឫទ្ធីសែន ជ័យ ហៅវត្តដុងក្រឡ ព្រះអង្គរបុរីសត្ថា សុវ៉ាន់ ញាន ព្រះគ្រូអនុគណស្រុកបុរីអូរស្វាយ សែនជ័យ លោក លី មីណា អភិបាលនៃគណ:អភិបាលស្រុកបុរីអូរស្វាយសែនជ័យ ព្រះវិសុទ្ធិ មុនី សុខា សុចាន់ ព្រះមេគណខេត្តស្ទឹងត្រែង ឯកឧត្តម ស្វាយ សំអ៊ាង អភិបាលនៃគណៈ អភិបាលខេត្ត ស្ទឹងត្រែង នៅទីចំពោះមុខខ្លោងទ្វារវត្ត។

នៅចុងបញ្ចប់នៃពិធីក៏មានការប្រគល់ប័ណ្ណថ្លែងអំណរគុណ ទៅកាន់សប្បុរសជន ដែលមានសទ្ធាជ្រះថ្លាចូលរួមចំណែកកសាង សមិទ្ធផលនានាក្នុងវត្ត ដោយគណ:អធិបតីផងដែរ៕