ព្រះសីហនុ៖ មន្ត្រីអាវុធហត្ថ បញ្ជាក់ថា កាលពី វេលម៉ោង១០ និង ៣០នាទីព្រឹក ថ្ងៃទី២៣ ខែមករា ឆ្នាំ២០២៤ មានករណីគ្រោះអគ្គីភ័យមួយឆាបឆេះរថយន្តសេរីទំនើបមួយគ្រឿង ម៉ាក (Mercedes Benz ) ផ្លាកលេខភ្នំពេញ 2.BN 5585 នៅលើផ្លូវស្ពានឆេះ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ។
កម្លាំងជំនាញ នៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្ត និងមូលដ្ឋានកងរាជអាវុធហត្ថក្រុងព្រះសីហនុ ចំនួន ១៤នាក់ ដឹកនាំដោយ លេាកវរសេនីយ៍ឯក ឆេង វុទ្ធី នាយសេនាធិការ សហការជាមួយកម្លាំងផ្នែកពន្លត់អគ្គីភ័យនៃស្នងការនគរបាលខេត្ត ចុះជួយអន្តរាគមន៍បាញ់ទឹកពន្លត់ភ្លើង នៅទីតាំងកើតហេតុ។
ហេតុការណ៍អគ្គីភ័យនេះ ត្រូវបានសមត្ថកិច្ចជំនាញគ្រប់គ្រងទាំងស្រុង នៅវេលាម៉ោង១១:០០នាទី ថ្ងៃខែឆ្នាំដដែល។
ប្រតិបត្តិការសង្រ្គោះខាងលើ ប្រើប្រាស់ទឹកអស់ ចំនួន ០១ឡាន មូលហេតុបណ្តាលមកពីឆ្លងប្រព័ន្ធភ្លើងក្នុងរថយន្ត និងឆេះខូតខាតរថយន្តអស់ទាំងស្រុង តែមិនបង្កអោយមានមនុស្សគ្រោះថ្នាក់ ឬរងរបួសនោះឡើយ។
