ភ្នំពេញ៖ ក្រោមការចង្អុលបង្ហាញពីឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ បានដឹកនាំកម្លាំងចុះល្បាតក្នុងមូលដ្ឋាន ដេីម្បីបង្ការ ទប់ស្កាត់បទល្មើស លួច ឆក់ ប្លន់ ក្មេងទំនើង គ្រឿងញៀន និងបទល្មើសផ្សេងៗទៀត។
កាលពីថ្ងៃទី ១២ នឹង ថ្ងៃទី ១៤ ខែ ធ្នូ ឆ្នាំ ២០២៣ កម្លាំងអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យចំនួន២នាក់ ករណីពីរផ្សេងគ្នា។
១-ឈ្មោះ អឿន សីហា ភេទប្រុស មុខរបរចុងភៅ ស្នាក់នៅសង្កាត់បឹងត្របែក ខណ្ឌចំការមន ពីបទឆក់កាបូបតាមផ្លូវសាធារណៈ។
២-ឈ្មោះ ទេស រិទ្ធី ហៅ ឆៃ ភេទប្រុស មុខរបរមិនពិតប្រាកដ ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ពីបទឆក់ទូរស័ព្ទតាមផ្លូវសាធារណៈ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ន ដេីម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕
