ខេត្តកំពង់ស្ពឺ៖ សមត្ថកិច្ច បញ្ជាក់ថា កាលពី ថ្ងៃទី១០ ខែវិច្ជិកា ឆ្នាំ២០២៣ វេលាម៉ោង២០ និង ៣០នាទីនៅចំណុចភូមិទឹកឬស្សុី ឃុំមានជ័យ ស្រុកសាមគ្គីមុនីជ័យ ខេត្តកំពង់ស្ពឺ មានករណីបាញ់កញ្ចក់រថយន្ត បង្កដោយឈ្មោះ យ៉ុង លីថង ភេទប្រុស អាយុ ២៦ឆ្នាំ រស់នៅភូមិឃុំកើតហេតុខាងលើ។
ជនសង្ស័យបានយកចំពាមកៅស៊ូបាញ់គ្រាប់ថ្ម បានបាញ់ឡេីងលេីបណ្ដាលអោយខ្ទៀតត្រូវចំកញ្ចក់រថយន្តមួយគ្រឿង ជាកម្មសិទ្ធិឈ្មោះ យ៉ាវ មុំ ភេទស្រី អាយុ ៤១ឆ្នាំ បណ្តាលអោយបែកប្រេះស្រាំកញ្ចក់រថយន្តផ្នែកខាងមុខ ខណៈរថយន្តទុកនៅដីឡូផ្ទះរបស់ខ្លួន ។
ក្រោយកេីតហេតុ និងទទួលបានបណ្ដឹងជំនាញស្រុកបានសហការជាមួយប៉ុស្តិ៍នគរបាល រដ្ឋបាលមានជ័យ ហៅជនសង្ស័យមកអធិការដ្ឋាននគរបាលស្រុកសាមគ្គីមុនីជ័យដេីម្បីសាកសួរ តាមឆ្លើយសារភាពរបស់ជនសង្ស័យខាងបានសារភាពថា រូបគេពិតជាបានបាញ់កញ្ចក់រថយន្តឈ្មោះ យ៉ាវ ម៉ុម ពិតប្រាកដមែន មូលហេតុបាញ់លេង ។
បច្ចុប្បន្នសមត្ថកិច្ចនគរបាលបានបំពេញនីតិវិធី ដេីម្បីចំណាត់ការបន្ដ៕
