ខេត្តកំពង់ចាម៖ រដ្ឋបាលស្រុកជើងព្រៃ ៖ សេចក្តីជូនដំណឹង ស្តីពីការផ្តល់បន្ទប់ស្នាក់នៅដោយឥតគិតថ្លៃ ជូនសិស្សានុសិស្សដែលមកប្រឡងក្នុងស្រុកជើងព្រៃ។
ដើម្បីជួយសម្រួលការលំបាក និងកាត់បន្ថយការចំណាយរបស់ អាណាព្យាបាល និងសិស្សានុសិស្ស រដ្ឋបាលស្រុកជើងព្រៃ បានរៀបចំបន្ទប់ស្នាក់នៅដោយឥតគិតថ្លៃចំនួន ២១បន្ទប់ និងទឹកសុទ្ធ ជូនសិស្សានុសិស្សដែលមកចូលរួមប្រឡងមធ្យមសិក្សាទុតិយភូមិ ក្នុងស្រុកជើងព្រៃ នាថ្ងៃទី៦ ខែវិច្ឆិកា ឆ្នាំ២០២៣។ ប្រសិនបើបងប្អូនមានបំណងចង់ស្នាក់នៅ សូមធ្វើការទំនាក់ទំនងរដ្ឋបាលស្រុករៀងរាល់ម៉ោងធ្វើការ ឬតាមរយៈលេខទូរស័ព្ទ ០១២ ២២៤ ២២៣ , ០៦៩ ៥៥៥ ៤៤០, ០៩៧ ៣៣៣ ៣៣៩៥។
ទីតាំងបន្ទប់ស្នាក់នៅដែលបានត្រៀមមានដូចខាងក្រោម៖
១-ផ្ទះសំណាក់ ហេង សុខសាន្ត ចំនួន១០បន្ទប់ ស្ថិតនៅខាងកើតរង្វង់មូលរូបដំរី តាមផ្លូវជាតិលេខ៧ ។
២-ផ្ទះសំណាក់ បូព៌ា ចំនួន ៥បន្ទប់ ផ្លូវចូលទល់មុខមន្ទីរពេទ្យបង្អែកជើងព្រៃ។
៣-ផ្ទះសំណាក់ ចរណៃ ចំនួន ៤បន្ទប់ ស្ថិតនៅផ្លូវជាតិលេខ៧ ជាប់ស្ពានលេខ២ ។
៤-ផ្ទះសំណាក់ ៥៥៥ ចំនួន ២បន្ទប់ ស្ថិតនៅភូមិប៉ាណា ឃុំសូទិប ។
